[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p197.2 # Nrisimhaprasada p197.2 Nṛsiṃhaprasāda p197.2 - **Language:** Sanskrit ### [p197.2](https://indike.org/pramana/in.niti.dharma.nibandha.mahanibandha.nrsimhaprasada.p197.2) anenaivābhiprāyeṇāhurgṛhyakārā api— “anvaṣṭakyaṃ ca pūrvedyurmāsi māsi ca pārvaṇam | kāmyamabhyudayeṣṭamyāmekoddiṣṭamathāṣṭamam || caturṣvādyeṣu sāgnīnāṃ vahnau homo vidhīyate | pitrye brāhmaṇahaste syāduttareṣu caturṣvapī”ti || ayamarthaḥ— hemantaśiśirayorityādinā catasro'ṣṭamyo'ṣṭakā vihitāḥ, tatra navamīśrāddhamanvaṣṭakyaṃ, sāmānyaṃ kriyamāṇaṃ pūrvedyuḥ, māsi māsi kṛṣṇa pakṣe pañcamīprabhṛtiṣu yasyāṃ kasyāṃ tithāvanvaṣṭakyātideśena yadvihitaṃ, amāvāsyāyāṃ piṇḍapitṛyajñānantaraṃ yadvihitaṃ tatpārvaṇam | kāmyaṃ svargādiphaloddeśena kṛttikādinakṣatreṣu vihitam | abhyudaye putrotpatyādiṣu vihitam | aṣṭamyāmaṣṭakā vihitāḥ | ekoddiṣṭaṃ sapiṇḍīkaraṇām, athavā ekoddiṣṭaṃ mukhyameva | tataścāṣṭau śrāddhāni—anvaṣṭakyaṃ, navamīśrāddhaṃ, pūrvedyuḥ, saptamīśrāddhaṃ, māsi māsi pañcamyādiṣu vihitaṃ, pārvaṇamamāvāsyāśrāddhaṃ, kāmyaṃ nakṣatrepu phaloddeśyakaṃ, abhyudayaśrāddhaṃ putrotpattitaḍāgārāmadevatāpratiṣṭhādiṣu vihitam, aṣṭakāśrāddhamaṣṭamyāṃ vihitaṃ, ekoddiṣṭaṃ sapiṇḍīkaraṇam, athavā ekoddiṣṭaṃ mukhyameva | ādyacatuṣṭaye agnau homaḥ antye pāṇāviti | nanvagnaukaraṇaṃ kathaṃ pāṇau tatrāgnyabhāvāt , satyam asti haste'pyagniḥ | "ajasya dakṣiṇe karṇe pāṇau viprasya dakṣiṇe | apsu caiva kuśastambe agniḥ kātyāyano'bravīt” iti śaṅkhasmaraṇāt | tasmāt"agnyabhāve tu viprasya pāṇāvevopapādayet | paryukṣya darbhānāstīrya yato hyagnisamo dvijaḥ" iti vacanātpāṇāvapi agnaukaraṇaṃ kartavyam | idaṃ copavītinā kāryam | "agnaukaraṇahomastu kartavya upavītinā | - [Previous: p197.1](https://indike.org/pramana/in.niti.dharma.nibandha.mahanibandha.nrsimhaprasada.p197.1) - [Next: p197.3](https://indike.org/pramana/in.niti.dharma.nibandha.mahanibandha.nrsimhaprasada.p197.3) - [Up: p197](https://indike.org/pramana/in.niti.dharma.nibandha.mahanibandha.nrsimhaprasada.p197) ## Linked texts (2) - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.16.p27) — Devaṇṇabhaṭṭa, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p65) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p197.2](https://indike.org/pramana/in.niti.dharma.nibandha.mahanibandha.nrsimhaprasada.p197.2) · Pramāṇa