[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p197.3 # Nrisimhaprasada p197.3 Nṛsiṃhaprasāda p197.3 - **Language:** Sanskrit ### [p197.3](https://indike.org/pramana/in.niti.dharma.nibandha.mahanibandha.nrsimhaprasada.p197.3) prāṅmukhenaiva devebhyo juhotīti śrutiḥ smṛtiḥ || apasavyena vā kāryo dakṣiṇābhimukhena vā | nirūpya haviranyasmai anyasmai nahi hūyate” ityādi vākyaṃ tu paramatopanyāsaparam , anyathā vākyāntaravirodhāt ityalamanena | tasmādanagniḥ pāṇāvagnikaraṇaṃ kuryāt | tadāha kātyāyanaḥ"pitrye yaḥ paṅktimūrdhanyaḥ tasya pāṇāvanagnikaḥ | hutvā mantravadanyeṣāṃ tūṣṇīṃ pātreṣu nikṣipet” iti | nanu vāhulyena viprapāṇāvityaviśeṣaśravaṇe'pi “daivaviprakare'nagniḥ kṛtvā'gnaukaraṇaṃ dvija” ityādikārikāyāṃ viśeṣadarśanāt kāgnaukaraṇaṃ, satyam | vikalpo jñātavyo vyavasthāyai, daivikalrāhmaṇakarapakṣe'pi pitryabrāhmaṇapātreṣveva śeṣa nikṣepaḥ | “hutvā śeṣakareṇaiva śeṣaṃ pitrye nivedayet | na hi smṛtāḥ śeṣabhājo viśve devāḥ purāṇagairiti vāyupurāṇavākyāt | tato daivapitryakarayorvikalpaḥ atrāpi agnaukaraṇavidhānāt | athavā'gnyabhāva iti smārtāgnyabhāvābhiprāyeṇaivābhihitam | kiṃ tarhi akṛtadāraparigrahābhiprāyeṇa | “agnyabhāve tu viprasya haste dattvā tu dakṣiṇe | agnyabhāvaḥ smṛtaḥ stāvardyāvadbhāryāṃ na vindatī”ti jātūkarṇyavacanāt | tasmādanupanītasya upanītasyāpi vā akṛtadāraparigrahasya yadā śrāddhakartṛtvaṃ tadā daivabrāhmaṇakare'gnaukaraṇaṃ, kṛtadāraparigrahasya śrāddhakartṛtve pitryabrāhmaṇakare iti vyavasthā jyāyasī || anupanītānagnikayorapi śrāddhe'dhikāraḥ | “śrāddhamarhati yadyekaḥ pitaryuparate sutaḥ | vināpi śraddhayā śrāddhaṃ tathā kuryādanagnikaḥ || pitryajñāhutiṃ pāṇau pradadyād brāhmaṇasya saḥ | arhatyanupanīto'pi vinā'pyagniṃ vinā''padam” iti | - [Previous: p197.2](https://indike.org/pramana/in.niti.dharma.nibandha.mahanibandha.nrsimhaprasada.p197.2) - [Next: p197.4](https://indike.org/pramana/in.niti.dharma.nibandha.mahanibandha.nrsimhaprasada.p197.4) - [Up: p197](https://indike.org/pramana/in.niti.dharma.nibandha.mahanibandha.nrsimhaprasada.p197) ## Linked texts (1) - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.16.p28) — Devaṇṇabhaṭṭa, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p197.3](https://indike.org/pramana/in.niti.dharma.nibandha.mahanibandha.nrsimhaprasada.p197.3) · Pramāṇa