[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p197.4 # Nrisimhaprasada p197.4 Nṛsiṃhaprasāda p197.4 - **Language:** Sanskrit ### [p197.4](https://indike.org/pramana/in.niti.dharma.nibandha.mahanibandha.nrsimhaprasada.p197.4) tathā— “na hyasminvidyate karma kiñcidāmauñjibandhanāt | nābhivyāharate brahma svadhāninayanādṛte” || tathā—kāśyapo'pi— “divye viprakare'nagniḥ kṛtvā'gnaukaraṇaṃ dvijaḥ | śeṣaṃ yatpitṛviprebhyaḥ piṇḍārthaṃ śeṣayettathe”ti | pāṇitaladattamannaṃ pṛthak na bhoktavyaṃ kintvekīkṛtya taduktaṃ gṛhyapariśiṣṭe— “yacca pāṇitale dattaṃ yaccānyadupakalpitam | ekībhāvena bhoktavyaṃ pṛthagbhāvo na vidyate || annaṃ pāṇitale dattaṃ pūrvamaśnantyabuddhayaḥ | pitarastena tṛpyanti śeṣānnaṃ na labhanti te” || yadi daivaviprakare homastadā pitṛmātāmahaśrāddhadvayārthaṃ sakṛdevānuṣṭheyaḥ | vaiśvadevabhede'pi pitṛtvādhikaraṇakārakasya sampratipannatvāt | yadā pitrye dvijapāṇau tadā mātāmahabrāhmaṇakare'pi pārthakyenānuṣṭheyaḥ | vaiśvadevikatantratve'pi tatrādhikaraṇakārakasya sampratipannatvāt | ityagnaukaraṇam || tataḥ pātrāṇi dviḥ prakṣālayet | tataḥ pariveṣaṇaṃ yad hutaśeṣadānāntaraṃ tat | “hutaśeṣaṃ pitṛbhyastu dattvā'nnaṃ pariveṣayet” iti smaraṇāt | tatprakārastūktaḥ— “pāṇibhyāmupasaṃgṛhya svayamannastha varddhitam | viprāntike pitṝn dhyāyan śanakairupaniikṣipet” || pariveṣaṇaṃ bhāryayā kartavyam | “pariveṣaṇaṃ bhāryaye”ti smaraṇāt | tathaca— “savarṇā yaiva kartavyaṃ yatpavitraṃ sukhāvaham | dvijātibhyaḥ savarṇāyā hastenaiva tu dīyate” iti nārāyaṇavacanāt | tadannaṃ ca sākṣāddhastena naiva dātavyam | kintu darvyādidvārā“hastadattāstu ye snehā lavaṇavyañjanādayaḥ | dātāraṃ nopatiṣṭhanti bhoktā bhuñjīta kilviṣam” iti śātātapasmaraṇāt | - [Previous: p197.3](https://indike.org/pramana/in.niti.dharma.nibandha.mahanibandha.nrsimhaprasada.p197.3) - [Next: p197.5](https://indike.org/pramana/in.niti.dharma.nibandha.mahanibandha.nrsimhaprasada.p197.5) - [Up: p197](https://indike.org/pramana/in.niti.dharma.nibandha.mahanibandha.nrsimhaprasada.p197) ## Linked texts (1) - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.16.p30) — Devaṇṇabhaṭṭa, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p197.4](https://indike.org/pramana/in.niti.dharma.nibandha.mahanibandha.nrsimhaprasada.p197.4) · Pramāṇa