[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p197.5 # Nrisimhaprasada p197.5 Nṛsiṃhaprasāda p197.5 - **Language:** Sanskrit ### [p197.5](https://indike.org/pramana/in.niti.dharma.nibandha.mahanibandha.nrsimhaprasada.p197.5) tathā purāṇamapi— “nāpavitreṇa hastena naikena na vinā kuśam | nāyase nāyaseneva śrāddhe tu pariveṣayet” | āyase ayomaye pātre | viṣṇuḥ- “ghṛtādidāne taijasāni pātrāṇi vā phalgupātrāṇi praśastāni | pitṛgāthā ca śrūyate— “sauvarṇarājatābhyāṃ ca khaḍgenauḍumbareṇa vā | dattamakṣayatāṃ yāti phalgupātraṃ tathaiva ce”ti || pariveṣaṇe ca vaiśvadevapūrvaṃ tatra kāraṇaṃ purāṇe upanyastam | tathāhi— “tapyamānāstu ye tīvraṃ preṣitā brahmaśāsanāt | viśvedevāstu rakṣārthaṃ pitṛyajñeṣu sarvadā || ataḥ pūrvaṃ pradātavyaṃ tebhyo'nnaṃ pitṛkarmaṇī”ti | sauvarṇarājatagoṣṭhaudumbaraphalgupātraireva pariveṣaṇaṃ kāryam | audumbaraṃ tāmramayam | goṣṭhodumbarikā phalguśabdavācyā | yadyapyanyatra phalguśabdo niḥsāre vastuni prasiddhastathāpi atra pātraṃ pātraprakramāt, atra ca niḥsāravastuno'nupayogāt | athavā sauvarṇādipātrāpekṣayā niḥsāratvam , ālaṃkārikāśca tathaivābhigadanti - [Previous: p197.4](https://indike.org/pramana/in.niti.dharma.nibandha.mahanibandha.nrsimhaprasada.p197.4) - [Next: p198](https://indike.org/pramana/in.niti.dharma.nibandha.mahanibandha.nrsimhaprasada.p198) - [Up: p197](https://indike.org/pramana/in.niti.dharma.nibandha.mahanibandha.nrsimhaprasada.p197) ## Linked texts (2) - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.17.p2) — Devaṇṇabhaṭṭa, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p67) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p197.5](https://indike.org/pramana/in.niti.dharma.nibandha.mahanibandha.nrsimhaprasada.p197.5) · Pramāṇa