[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p32.2 # Nrisimhaprasada p32.2 Nṛsiṃhaprasāda p32.2 - **Language:** Sanskrit ### [p32.2](https://indike.org/pramana/in.niti.dharma.nibandha.mahanibandha.nrsimhaprasada.p32.2) sapiṇḍasantatirvā'pi kriyārhā nṛpa jāyate || teṣāmabhāve sarveṣāṃ samānodakasantatiḥ” iti | tataḥ putreṇa pituḥ śrāddhaṃ kartavyaṃ tadabhāve'nyairiti | etadanupanītenāpi kartavyam— “śrāddhaṃ kuryādavaśyaṃ tu pramītapitṛko dvijaḥ | vratastho vā'vratastho vā eka eva bhavedyadi” iti sumantusmaraṇāt | avratastho'nupanītaḥ | taduktaṃ vṛddhamanunā— “kuryādanupanīto'pi śrāddhameko hi yaḥ sutaḥ | pitṛyajñāhutiṃ pāṇau juhuyād brāhmaṇasya saḥ” iti | atra vyāghraḥ— “kṛtacūḍaḥ sa kurvīta udakaṃ piṇḍameva ca | svadhākāraṃ prayuñjīta vedoccāraṃ na kārayet” iti | mātāpitroriti śeṣaḥ | tathā smṛtyantare— “kṛtacūr̤o'nupetastu pitroḥ śrāddhaṃ samācaret | udāharetsvadhākāraṃ natu vedākṣarāṇayasau” iti | sumantunā vedākṣarāśayapi prayojyānītyabhihitam— “nābhivyāhārayed brahma yāvanmauñjī nibadhyate | mantrānanupanīto'pi paṭhedevaika aurasaḥ” iti | tataḥ putro'dhikārī, so'pi mukhyo gauṇaśca, tadabhāve patnyādi, tadapi pautrādyabhāve | “pautraśca putrikāputraḥ svargaprāptikarāvubhau | rikthe ca piṇḍadāne ca samau tau parikīrtitau” iti | guruḥ pautraṃ gauṇaputrasamānamuktāvaniti sarvamuktam | iti śrīmallakṣmīnṛsiṃhacaraṇayugalasaroruhabhramarasakalabhūmaṇḍalamaṇḍanasamastayavanādhīśvaraśrīnikāmaśāhasāmrājyadhurandharaśrīmanmahārājādhirājaśrīdalapatirājaviracite śrīnṛsiṃhaprasāde śrāddhasāre śrāddhādhikārinirūpaṇam | atha jīvatpitṛkaśrāddhādhikāro'bhidhīyate | tatra maitrāyaṇīyagṛhyapariśiṣṭaniṣṭhaṃ viśiṣṭaṃ vidhivākyam-“udvāhe putrajanane pitryeṣṭyāṃ saumike makhe | - [Previous: p32.1](https://indike.org/pramana/in.niti.dharma.nibandha.mahanibandha.nrsimhaprasada.p32.1) - [Next: p32.3](https://indike.org/pramana/in.niti.dharma.nibandha.mahanibandha.nrsimhaprasada.p32.3) - [Up: p32](https://indike.org/pramana/in.niti.dharma.nibandha.mahanibandha.nrsimhaprasada.p32) ## Linked texts (2) - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.1.p21) — Devaṇṇabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.43.p31) — Nīlakaṇṭha Dīkṣita 1625, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p32.2](https://indike.org/pramana/in.niti.dharma.nibandha.mahanibandha.nrsimhaprasada.p32.2) · Pramāṇa