[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p32.3 # Nrisimhaprasada p32.3 Nṛsiṃhaprasāda p32.3 - **Language:** Sanskrit ### [p32.3](https://indike.org/pramana/in.niti.dharma.nibandha.mahanibandha.nrsimhaprasada.p32.3) tīrthe brāhmaṇa āyāte ṣaḍete jīvataḥ pituḥ” iti | ṣaṭsaṅkhyā hi saṅkhyeyaparicchedaṃ kurvatī saṅkhyeyāvaśyakatāṃ bodhayantī tato'nyatrānāvaśyakatāṃ sūcayati | udvāho'tra dvitīyo'bhimataḥ | tatra putrasyaivādhikārāt | taduktamabhiyuktaiḥ-“nāndīśrāddhaṃ pitā kuryādādye pāṇigrahe budhaḥ | ata ūrdhvaṃ prakurvīta svayameva tu nāndikam” iti | prathame ca piturevādhikāraḥ | taduktaṃ karmapradīpe-“svapitṛbhyaḥ pitādadyātsutasaṃskārakarmasu | piṇḍānodvahanātteṣāṃ tasyābhāve tu tatkramāt iti” | piṇḍaśabdena lakṣaṇayā śrāddhamucyate | piṇḍadoṃ'śaharaścaiṣāmitivat | pitā sutasaṃskārakarmasu garbhādhānādivivāhānteṣu piṇḍānnāndīśrāddhāni svapitṛbhyo dadyāt | teṣāṃ sutānāmodvahanāt ā udvahanam vivāhamanivyāpyetyarthaḥ | tayā ca smarati pāṇiniḥ-āṅ maryādā'bhividhyoḥ” iti | śāstrāntaraparyālocanayā'pyatrābhividhāvāṅ | svasutavivāhe svapitṛbhyo dadyādityuktaṃ bhavati | dvitīyavivāhe prathamodvāhena saṃskṛtasya saṃskāryatvābhāvāt | āśramadharmo yujyate na cetpatnīsahitaḥ, putrārtha eveti svapitṛbhyaḥ piteti padatrayasyārthaḥ | ataḥ prakṛte vacane udvāhe dvitīye vivāha ityeva ramaṇīyam | pitryeṣṭyāṃ sākamedhamahāpitṛyajñe, saumike makhe tātīyam̐savanikaiḥ puroḍāśakhaṇḍaiḥ svayajamānapitṛbhyo yat kriyate tatreti | -spaṣṭamanyat | jīvataḥ pituḥ itīdaṃ vacanaṃ teṣāmeva śākhināṃ sāgnikānāmetaduktam"na jīvatpitṛkaḥ kuryācchrāddhamagnimṛte dvijaḥ | yebhya eva pitā dadyāttebhyaḥ kurvīta sāgnikaḥ" iti | tato varāhasūtropajīvināṃ jīvatpitṛkāṇāṃ sāgnikānāmeva ṣaṭsveteṣu śrāddheṣu nānyeṣāmiti | - [Previous: p32.2](https://indike.org/pramana/in.niti.dharma.nibandha.mahanibandha.nrsimhaprasada.p32.2) - [Next: p32.4](https://indike.org/pramana/in.niti.dharma.nibandha.mahanibandha.nrsimhaprasada.p32.4) - [Up: p32](https://indike.org/pramana/in.niti.dharma.nibandha.mahanibandha.nrsimhaprasada.p32) ## Linked texts (1) - [Śrāddhadīpa](https://indike.org/pramana/in.niti.dharma.sraddha.sraddhadipa.4.124) — Divyasiṃha Mahāpātra 1640, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p32.3](https://indike.org/pramana/in.niti.dharma.nibandha.mahanibandha.nrsimhaprasada.p32.3) · Pramāṇa