[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p56 # Nrisimhaprasada p56 Nṛsiṃhaprasāda p56 - **Language:** Sanskrit ### [p56](https://indike.org/pramana/in.niti.dharma.nibandha.mahanibandha.nrsimhaprasada.p56) "ye somapā virajaso dharmajñāḥ śāntabuddhayaḥ | vratino niyamasthāśca ṛtukālābhigāminaḥ || pañcāgnirapyadhīyāno yajurvedavideva ca | bahvṛcaśca trisauparṇaḥ trimadhurvā 'tha yo bhavet || triṇāciketo virajāḥ chandogo jyeṣṭhasāmagaḥ | atharvaśiraso'dhyetā sarve te paṅktipāvanāḥ || śaṅkhaḥ— “brahmadeyānuntāno brahmadeyāpradāyakaḥ | brahmadeyāpatiścaiva brāhmaṇāḥ paṅktipāvanāḥ || yajuṣāṃ pārago yaśca sāmnāṃ yaścāpi pāragaḥ | atharvaśiraso'dhyetā brāhmaṇāḥ paṅktipāvanāḥ || cāndrāyaṇavratastho yaḥ satyavādī purāṇavit | nivāsaḥ sarvavidyāsu śānto vigatakalmaṣaḥ || guruvedāgnipūjāsu śānto vigatakalmaṣaḥ | nityaṃ yogaparaḥ siddhaḥ samaloṣṭāśmakāñcanaḥ || dhyānaśīlo yatirvidvān brāhmaṇāḥ paṅktipāvanāḥ” iti || yasya sthitiravicchinnavedā, aviditāyonisaṅkaratvaṃ pāramārthyaṃ ceti hārītaḥ | manunā kalpāntaraktam— kāmaṃ śrāddhe'rcayenmitraṃ nābhirūpamapi tvarim | dviṣatā hi havirbhuktaṃ bhavati pretya niṣphalam” (3|144) iti| abhirūpamapi dvidvāṃsamapīti yāvat | kāmamityukteranukalpatā pratīyate | ayamanukalpaḥ pūrvoktakalpālābhe draṣṭavyaḥ | "na śrāddhe bhojayenmitraṃ dhanaiḥ kāryo'sya saṃgrahaḥ | nāriṃ na mitraṃ yaṃ vidyāttaṃ śrāddhe bhojayed dvijam || yasya mitrapradhānāni śrāddhāni ca havīṃṣi ca | tasya pretya phalaṃ nāsti śrāddheṣu ca haviṣu ca” iti nindārthavādādapi nāyaṃ pakṣaḥ sādhīyāniti | etādṛśavipreṣu sadācāravaikalyadarśane'pi nindā na kāryā - [Previous: p55](https://indike.org/pramana/in.niti.dharma.nibandha.mahanibandha.nrsimhaprasada.p55) - [Next: p57](https://indike.org/pramana/in.niti.dharma.nibandha.mahanibandha.nrsimhaprasada.p57) ## Linked texts (5) - [Critical edition (BORI)](https://indike.org/pramana/in.lit.mahabharata.vyasa*crit.13.90.34) — Sanskrit - [Kūrmapurāṇa](https://indike.org/pramana/in.purana.kurma.2.21.4) — Vyāsa, Sanskrit - [Mānava Dharmaśāstra](https://indike.org/pramana/in.niti.dharma.manu.3.139) — Manu & Bhṛgu, Sanskrit - [Śaṅkhasmṛti](https://indike.org/pramana/in.niti.dharma.upasmrti.sankhalikhita.sankha.14.7) — Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.10.p3) — Devaṇṇabhaṭṭa, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p56](https://indike.org/pramana/in.niti.dharma.nibandha.mahanibandha.nrsimhaprasada.p56) · Pramāṇa