[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p66 # Nrisimhaprasada p66 Nṛsiṃhaprasāda p66 - **Language:** Sanskrit ### [p66](https://indike.org/pramana/in.niti.dharma.nibandha.mahanibandha.nrsimhaprasada.p66) atha varjyā nirūpyante | tatra— “ye stenāḥ patitāḥ klībā ye ca nāstikavṛttayaḥ | tān havyakavyayorviprān anarhānmanurabravīt || jaṭilaṃ vā'nadhīyānaṃ durbalaṃ kitavaṃ tathā | yājayanti ca ye pūgān tām̐śca śrāddhe na bhojayet || cikitsakāndevalakānmāṃsavikrayiṇastathā | vipaṇena ca jīvanto varjyāḥ syurhavyakavyayoḥ || bhṛtakādhyāpako yaśca bhṛtakādhyāpitastathā | śūdraśiṣyo guruścaiva vāgduṣṭaḥ kuṇḍagolakau || akāraṇāt parityaktā mātāpitrorgurostathā | brāhmairyonaiśca sambandhaiḥ saṃyogaṃ patitairgataḥ || agāradāhī garadaḥ kuṇḍāśī somavikrayī | samudrayāyī vandī ca tailakaḥ kūṭakārakaḥ || pitrā vivadamānaśca kitavo madyapastathā | pāparogyabhiśastaśca dāmbhiko rasavikrayī | unmatto'ndhaśca varjyāḥ syurvedanindaka eva ca || hasti-go'śvoṣṭradamako nakṣatrairyaśca jīvati | pakṣiṇāṃ poṣako yaśca yuddhācāryastathaiva ca || preṣyo grāmasya rājñaśca kunakhī śyāvadantakaḥ | srotasāṃ bhedako yaśca teṣāṃ cāvaraṇe rataḥ || hiṃsro vṛṣalavṛttiśca gaṇānāṃ caiva yājakaḥ | mahārogayutaścaiva kṛṣijīvī tathaiva ca" iti - [Previous: p65](https://indike.org/pramana/in.niti.dharma.nibandha.mahanibandha.nrsimhaprasada.p65) - [Next: p67](https://indike.org/pramana/in.niti.dharma.nibandha.mahanibandha.nrsimhaprasada.p67) ## Linked texts (5) - [Skandamahāpurāṇa (vulgate)](https://indike.org/pramana/in.purana.skanda*vulgate.16.205.59) — Sanskrit - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.13.90.11) — Sanskrit - [Mānava Dharmaśāstra](https://indike.org/pramana/in.niti.dharma.manu.3.152) — Manu & Bhṛgu, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.10.p19) — Devaṇṇabhaṭṭa, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.2.p70) — Govindānanda 1500, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p66](https://indike.org/pramana/in.niti.dharma.nibandha.mahanibandha.nrsimhaprasada.p66) · Pramāṇa