[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p83 # Nrisimhaprasada p83 Nṛsiṃhaprasāda p83 - **Language:** Sanskrit ### [p83](https://indike.org/pramana/in.niti.dharma.nibandha.mahanibandha.nrsimhaprasada.p83) yājñavalkyaḥ— “khaḍgāmiṣaṃ mahāśalkaṃ madhu munyannameva ca | lohāmiṣaṃ mahāśākaṃ māṃsaṃ vārdhrīṇasasya ca || yaddadāti gayāsthaśca sarvamānantyamaśnute | tathā varṣātrayodaśyāṃ maghāsu ca viśeṣataḥ” iti | madhu mākṣikam | munyannaṃ sa ṃbhāraṇyaṃ nīvārādi | lohastu chāgaḥ, tadāmiṣaṃ lohāmiṣam | mahāśākaṃ kālaśākam | spaṣṭamanyat | atra yadyapi māṃsamadhvādīni sarvavarṇānāṃ sāmānyena śrāddha yogyāni darśitāni tathā'pi pulastyoktā vyavasthā draṣṭavyā— “munyannaṃ brāhmaṇasyoktaṃ māṃsaṃ kṣatriyavaiśyayoḥ | madhupradhānaṃ śūdrasya sarveṣāmavirodhi yat” iti smaraṇāt | ayaṃ hi smṛtyarthaḥ—nīvārādi munyannaṃ yacchrāddhayogyamabhihitaṃ tad brāhmaṇasya pradhānaṃ samagraphaladam , yacca māṃsaṃ tat kṣatriyavaiśyayoḥ pradhānaṃ, yat kṣaudramuktaṃ tad śūdrasya, etat tritayavyatiriktaṃ yadavirodhi cāpratiṣiddhaṃ vastu śākādi, yacca vihitaṃ haviṣyaṃ kālaśākādi, tatsarveṣāṃ sarvaphaladaṃ natu brāhmaṇasya nīvārādi dravyameva pradhānaṃ, kṣatriyavaiśyayostu māṃsaṃ pradhānamityuktaṃ, tatkathaṃ, yato hyaviśeṣeṇa māṃsaṃ śrāddhādau vihitaṃ tad brāhmaṇavyatiriktānāmevedamiti kaścinniyamaheturasti yenedṛśī vyavasthā bhavet , atrābhidhīyate satyamasti bahuṣu grantheṣu śrāddhādau māṃsopādānaṃ tadyatra bhakṣyatayā pravṛttistadviṣayamevetyavagantavyaṃ, na sarvaviṣayaṃ, lokagarhitvāt - [Previous: p82](https://indike.org/pramana/in.niti.dharma.nibandha.mahanibandha.nrsimhaprasada.p82) - [Next: p84.1](https://indike.org/pramana/in.niti.dharma.nibandha.mahanibandha.nrsimhaprasada.p84.1) ## Linked texts (3) - [Agnipurāṇa](https://indike.org/pramana/in.purana.agni.163.32) — Vyāsa, Sanskrit - [Nāradapurāṇa](https://indike.org/pramana/in.purana.narada.1.51.144) — Vyāsa, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p283) — Amṛtanātha Jhā Śarman 1800, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p83](https://indike.org/pramana/in.niti.dharma.nibandha.mahanibandha.nrsimhaprasada.p83) · Pramāṇa