[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p84.1 # Nrisimhaprasada p84.1 Nṛsiṃhaprasāda p84.1 - **Language:** Sanskrit ### [p84.1](https://indike.org/pramana/in.niti.dharma.nibandha.mahanibandha.nrsimhaprasada.p84.1) tadāha yājñavalkyaḥ— "karmaṇā manasā vācā yatnād dharmaṃ samācaret | asvargyaṃ lokavidviṣṭaṃ dharmamapyācarenna tu" iti || tataḥ śrāddhe māṃsavidhānaṃ kṣatriyādiviṣayaṃ jñeyam | "vinā māṃsena yacchrāddhaṃ kṛtamapyakṛtaṃ bhavet | tṛpyanti pitaro yasmādalābhe pāyasādaya" iti vacanaṃ kṣatriyādiviṣayaṃ jñeyam | tathā'tra pitṛgītā gāthā bhavati— "kālaśākaṃ mahāśalkaṃ māṃsaṃ vārdhrīṇasasya ca | viṣāṇavarjyā ye khaḍgā āsūryaṃ tān labhemahi" iti | yamaḥ— "bhakṣyaṃ bhojyaṃ tathā peyaṃ yatkiṃcit pacyate gṛhe | na bhoktavyaṃ pitṝṇāṃ tadanivedya kathaṃcana || yadyaddadāti vidhivatsamyak śraddhāsamanvitaḥ | tattatpitṝṇāṃ bhavati paramaṃ priyamaiva hi || yavavrīhisagodhūmatilā mudgāḥ sasarṣapāḥ | priyaṅgavaḥ kovidārā niṣpāvāścātra śobhanāḥ || annamiṣṭaṃ haviṣyaṃ ca dadyādakrodhano'tvaraḥ" iti | annaṃ–bhakṣya–bhojya–lehya–coṣya–peyātmakaṃ pañcavidhaṃ dṛṣṭam | yad brāhmaṇāya kartre pitṛbhyo ruciraṃ tattulyamānaṃ haviṣyamaniṣiddhaṃ ca śrāddhahaviryogyam | vrīhi-śāli-yava-godhūma-mudga-māṣa-munyannakālaśāka-mahāśalka-elā-śuṇṭhī-marica-hiṅgu-guḍa-śarkarākarpūra-saindhava-sāmbhara-panasa-nārikela-kadalī-badara-ganyapayo-dadhi-ghṛta-pāyasa-madhu-māṃsa prabhṛti smṛtyantaraprasiddhaṃ veditavyam | panasāmiti kauṅkaṇadeśaprasiddhaḥ phalaviśeṣaḥ | munyannamiti yadaphālakṛṣṭaśyāmākanīvārādi tadabhidhīyate | tacca vānaprasthaprasiddham | - [Previous: p83](https://indike.org/pramana/in.niti.dharma.nibandha.mahanibandha.nrsimhaprasada.p83) - [Next: p84.2](https://indike.org/pramana/in.niti.dharma.nibandha.mahanibandha.nrsimhaprasada.p84.2) - [Up: p84](https://indike.org/pramana/in.niti.dharma.nibandha.mahanibandha.nrsimhaprasada.p84) ## Linked texts (4) - [Mārkaṇḍeyapurāṇa](https://indike.org/pramana/in.purana.markandeya.32.10) — Vyāsa, Sanskrit - [Mānava Dharmaśāstra](https://indike.org/pramana/in.niti.dharma.manu.3.275) — Manu & Bhṛgu, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.12.p75) — Devaṇṇabhaṭṭa, Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.445) — Divyasiṃha Mahāpātra 1640, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p84.1](https://indike.org/pramana/in.niti.dharma.nibandha.mahanibandha.nrsimhaprasada.p84.1) · Pramāṇa