[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Nrisimhaprasada](https://indike.org/pramana/in.niti.dharma.nibandha.mahanibandha.nrsimhaprasada) › p84.3 # Nrisimhaprasada p84.3 Nṛsiṃhaprasāda p84.3 - **Language:** Sanskrit ### [p84.3](https://indike.org/pramana/in.niti.dharma.nibandha.mahanibandha.nrsimhaprasada.p84.3) taduktaṃ caturviṃśatimate— "kodravā rājamāṣāśca kulatthā varakāstathā | niṣpāvāśca viśeṣeṇa pañcaitāṃstu vivarjayet || yāvanālānapi tathā varjayanti vipaścitaḥ | tailamapyāpadi prājñāḥ saṃprayacchanti yājñikāḥ" iti | āpadi anyavastvabhāve yāvanāla kañjikā tailairapi kāryeti | varakā vanamudgāḥ | prasiddhamanyat | atra niṣpāvaniṣedhaḥ kṛṣṇāniṣpāvaviṣayaḥ | tathā ca smṛtiḥ-"kṛṣṇadhānyāni sarvāṇi varjayecchrāddhakarmaṇī"ti | niṣpāvāścātra śobhanā” iti mārkaṇḍeyapurāṇavacanaṃ tu kṛṣṇotaraniṣpāvaviṣayatayā vyavasthāpitaṃ syāt | marīcirapi“kulatthāścaṇakāḥ śrāddhe na deyāścaiva kodravāḥ | kaṭukāni ca sarvāṇi virasāni tathaiva ca” iti | tathā madālasāvākyam“yaccotkocādinā prāptaṃ patitādyadupārjitam | anyāyakanyāśulkotthaṃ dravyaṃ cātra vivarjitam || pitrarthaṃ me prayaccha tvamityuktvā yadupāhṛtam | varjanīyaṃ sadā sadbhistattadvai śrāddhakarmaṇi” iti || utkocādinetyatrādinā steyādigrahaṇam | gomithunādadhikaṃ kanyāśulkomanyāyakanyāśulkotthamatra śrāddhakarmaṇi vigarhitaṃ vivarjitam| tathā“vedavikrayajaṃ neṣṭaṃ striyā yaccārjitaṃ dhanam | na deyaṃ pitṛdevebhyo yacca klībādupārjitam” iti | viṣṇupurāṇe'pi | “bhūstṛṇaṃ surasā śigruḥ pālaṅkayā susukaṃ tathā | kūṣmāṇḍālābuvārtākakovidārāṃśca varjayet” iti | bhūstṛṇo bhūtṛṇaḥ chāndasatvāt suḍāgamaḥ | uśanā api-“nālikā śaṇachatrākakusumbhālābuvidbhavan | kumbhīkambukavṛntākakovidārāṃśca varjayet” iti || varjayed gṛñjanaṃ śrāddhe kāñjikaṃ piṇḍamūlakam | karañjaṃ ye'pi cānye vai rasagandhotkaṭāstathā” iti | - [Previous: p84.2](https://indike.org/pramana/in.niti.dharma.nibandha.mahanibandha.nrsimhaprasada.p84.2) - [Next: p84.4](https://indike.org/pramana/in.niti.dharma.nibandha.mahanibandha.nrsimhaprasada.p84.4) - [Up: p84](https://indike.org/pramana/in.niti.dharma.nibandha.mahanibandha.nrsimhaprasada.p84) ## Linked texts (3) - [Smṛtīnāṃ Samuccayaḥ](https://indike.org/pramana/in.niti.dharma.upasmrti.smrtisamuccaya.45.47) — Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.12.p76) — Devaṇṇabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.44.p38) — Nīlakaṇṭha Dīkṣita 1625, Sanskrit --- Source: [https://indike.org/pramana/in.niti.dharma.nibandha.mahanibandha.nrsimhaprasada.p84.3](https://indike.org/pramana/in.niti.dharma.nibandha.mahanibandha.nrsimhaprasada.p84.3) · Pramāṇa