[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Prataparka](https://indike.org/pramana/in.niti.dharma.nibandha.mahanibandha.prataparka) › 13.p23 # Prataparka 13.p23 Pratāpārka 13.p23 - **Language:** Sanskrit ### [13.p23](https://indike.org/pramana/in.niti.dharma.nibandha.mahanibandha.prataparka.13.p23) udabhaṃ pūrvāṣāḍhā | athāṣāḍhī | āṣāḍhaśuklacaturdaśyāmupoṣya pūrṇimāyāṃ haripūjā kāryā | taduktaṃ nirṇayāmṛte brahmapurāṇe-"caturdaśyāmupobyātha paurṇamāsyāṃ yajed harim |" iti | asyāmeva ca pūrvāṣāḍhāyutāyāmannadānaṃ kuryāt | tathā ca viṣṇuḥ āṣāḍhayāmāṣāḍhāyuktāyāmannapānādidānena tadevākṣayamāpnotīti | asyāmeva kokilābratāraṃbhaḥ taduktaṃ hemādrau bhaviṣye-"āṣāḍhapaurṇamāsyāṃ tu sandhyākāle hyupasthite | saṃkalpayenmāsamekaṃ śrāvaṇaṃ pratyahaṃ hyaham ||" iti bhaviṣyokteḥ tatra sāyāhne pūjottaraṃ 1pradoṣe naktavratatvātsāyāhnavyāpinī grāhyeti nirṇayasindhukārādayaḥ | pradoṣavyāpinīti kṛtyaralanāvalyām | sandhyāvyāpinīti mayūkhādau | 2dinadvaye tattve parā pradoṣavyāpinī grāhyeti kṛtyaratnāvalyām | asyāṃ śivaśayanamuktam hemādrau vāmanapurāṇe-"paurṇamāsyāmumānāthaḥ svapate carmasaṃstare | vaiyyāghre ca jaṭābhāraṃ samudgrathya hi varmmaṇā ||" iti | iyaṃ rudravratatvātpūrvaviddhā grāhyā | pradoṣavyāpinīti nirṇayasindhau | atra viṣṇuśayanamapyuktam | prāgekādaśīprakaraṇe | atraivāṣāḍhīśvarayātrā pūjā coktā kāśīkhaṇḍe-"udīcyāṃ bhārabhūteśamāṣāḍhīśaṃ samarcayet | āṣāḍhyāṃ paṃcadaśyāṃ vai na pāpaiḥ paritapyate | kṛtvā sāṃvatsarīṃ yātrāṃ anena jāyate naraḥ || iti | asyāṃ kiṃciddānamāvaśyakam | taduktamayodhyākāṇḍe bharataśapatheṣu-"āṣāḍhī kārttikī māghī tithayaḥ puṇyasambhavāḥ | annadānavato yāntu yasyāryo'numate gataḥ ||" iti | iyameva kṣauravyāsapūjādau tvaudayikī trimuhūrttā grāhyā | "trimuhūrttādhikaṃ grāhyaṃ parvakṣaurapraṇāmayoḥ ||" iti - [Previous: 13.p22](https://indike.org/pramana/in.niti.dharma.nibandha.mahanibandha.prataparka.13.p22) - [Next: 13.p24](https://indike.org/pramana/in.niti.dharma.nibandha.mahanibandha.prataparka.13.p24) - [Up: 13](https://indike.org/pramana/in.niti.dharma.nibandha.mahanibandha.prataparka.13) ## Linked texts (1) - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.12.p11) — Ratnākara 1688, Sanskrit --- Source: [https://indike.org/pramana/in.niti.dharma.nibandha.mahanibandha.prataparka.13.p23](https://indike.org/pramana/in.niti.dharma.nibandha.mahanibandha.prataparka.13.p23) · Pramāṇa