[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Smriticandrika](https://indike.org/pramana/in.niti.dharma.nibandha.mahanibandha.smrticandrika) › 12.p53 # Smriticandrika 12.p53 Smṛticandrikā 12.p53 - **Language:** Sanskrit ### [12.p53](https://indike.org/pramana/in.niti.dharma.nibandha.mahanibandha.smrticandrika.12.p53) śaucaṃ kuryāt' iti | gomayānulepanena mahānasabhūmiśuddhiṃ kuryāt | udakairabhyukṣaṇāharaṇaprakaraṇoktaprakāreṇāhṛtaiḥ bhājanānāṃ godhūmapiṣṭādiprakṣepaṇāthānāṃ śuddhiṃ kuryādityarthaḥ | mahānasabhūmisaṃskārānantaramāha devalaḥtilānavakirettatra sarvato bandhayedajam | asuropahataṃ sarvaṃ tilaiśśuddhayatyajena ca || pākasthānabhājanabhāṇḍaśuddhayannantaraṃ pākādinā'nnādikaṃ niṣpādayet | tathāca sa evatato'nnaṃ bahusaṃskāraiḥ naikavyañjanabhakṣyavat | coṣyapeyasamṛddhaṃ ca yathāśaktacupakalpayet || bahusaṃskāro rājabhojyānne yoyaḥ saṃskāraḥ tenatenānvitam| naikavyañjanabhakṣyavat anekavyañjanabhakṣyopetam | vyajyate'nenānnasya rasa iti vyañjanamatra sūpaśākādikam | yasya rasāṃśa eva sevyo na dravyāṃśaḥ ikṣukhaṇḍādi taccoṣyam | pānārthaṃ cāpakkaphalarasādau guḍādipiṣṭaṃ saṃsṛjya yatkriyate tatpeyam | coṣyapeyayoranekavidhayoraniṣiddhayoḥ sambhavāccoṣyapeyasamṛddhamityuktam | caśabdāllehyasamṛddhaṃ cetyavagantavyam | annādikaṃ vihitavrīhyādiprakṛti | kāni dravyāṇi vihitānītyapekṣite pracetāḥkṛṣṇamāṣāstilāścaiva śreṣṭhāssyuryavaśālayaḥ | mahāyavā vrīhiyavāstathaiva ca madhūlikāḥ || kṛṣṇāḥ śvetāśca lohāśca grāhyāssyuḥ śrāddhakarmaṇi - [Previous: 12.p52](https://indike.org/pramana/in.niti.dharma.nibandha.mahanibandha.smrticandrika.12.p52) - [Next: 12.p54](https://indike.org/pramana/in.niti.dharma.nibandha.mahanibandha.smrticandrika.12.p54) - [Up: 12](https://indike.org/pramana/in.niti.dharma.nibandha.mahanibandha.smrticandrika.12) ## Linked texts (4) - [Skandamahāpurāṇa (vulgate)](https://indike.org/pramana/in.purana.skanda*vulgate.16.206.82) — Sanskrit - [Pracetassmṛti (fragments)](https://indike.org/pramana/in.niti.dharma.uddhrta.pracetassmrti*fragments.1.18) — Sanskrit - [Śrāddhakalpa](https://indike.org/pramana/in.niti.dharma.sraddha.mithila_bengal.sraddhakalpa.3.p22) — Śrīdatta Upādhyāya, Sanskrit - [Nṛsiṃhaprasāda](https://indike.org/pramana/in.niti.dharma.nibandha.mahanibandha.nrsimhaprasada.p70) — Dalapatirāja 1511, Sanskrit --- Source: [https://indike.org/pramana/in.niti.dharma.nibandha.mahanibandha.smrticandrika.12.p53](https://indike.org/pramana/in.niti.dharma.nibandha.mahanibandha.smrticandrika.12.p53) · Pramāṇa