[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Smriticandrika](https://indike.org/pramana/in.niti.dharma.nibandha.mahanibandha.smrticandrika) › 3.p34 # Smriticandrika 3.p34 Smṛticandrikā 3.p34 - **Language:** Sanskrit ### [3.p34](https://indike.org/pramana/in.niti.dharma.nibandha.mahanibandha.smrticandrika.3.p34) atha amāvāsyādvaidhanirṇayaḥ. atra gautamaḥ'atha śrāddhamamāvāsyāyāṃ pitṛbhyo dadyāt' iti | amāvāsyā kṛṣṇapakṣasya pañcadaśī tithiḥ | tasyāṃ śrāddhaṃ kāryamityarthaḥ | tatra kātyāyanokto viśeṣaḥpiṇḍānvāhāryakaṃ śrāddhaṃ kṣīṇe rājani śasyate | vāsarasya tṛtīyeṃ'śe nātisandhyāsamīpataḥ || iti | piṇḍapitṛyajñāṅgabhūtānāṃ piṇḍānāmanu paścādāhriyate kriyata iti piṇḍānvāhāryakaṃ śrāddhamamāvāsyāyāṃ kṣīṇe rājani indau kartavyamityarthaḥ | sopīndukṣayaḥ kadā bhavatītyapekṣite sa evāhaaṣṭamāṃśe caturdaśyāḥ kṣīṇo bhavati candramāḥ | amāvāsyāṣṭamāṃśe ca punaḥ kila bhavedaṇuḥ || iti | evaṃ ca tithidvaidhe sinīvālayāmeva śrāddhaṃ kāryamityuktaṃ bhavati | uktaṃ ca vyāsenadṛṣṭacandrā sinīvālī naṣṭacandrā kuhūrmatā | sinīvālī yadā pitrye kuhūrdaive tu karmaṇi || hārītopiyasyāṃ sandhyāgatassomo mṛṇāḷamiva dṛśyate | aparāhne kṣayastasyāṃ piṇḍānāṃ karaṇaṃ dhruvam || iti | yasyāṃ tithau śarvaryāṃ pūrvasyāṃ diśi sandhyāgatassomaḥ sūkṣma iva dṛśyate tasyāmaparāhṇe candrakṣaya iti tatraiva śrāddhaṃ kāryamityarthaḥ | etacca karmakālavyāpinyāṃ sinīvālyāṃ draṣṭavyaṃ, anyathā doṣaśravaṇāt, tathāca bodhāyanaḥ— madhyāhnātparato yatra caturddaśyanuvartate | sinīvālī tu sā jñeyā pitṛkārye tu niṣphalā || iti | uktalakṣaṇā sinīvālī pitṛkārye niṣphaleti jñeyetyarthaḥ | bṛhaspatirapi— madhyāhnādyā tvamāvāsyā parastātsaṃpravartate | bhūtaviddhā tu sā jñeyā na sā pañcadaśī bhavet || madhyāhnātparastāt karmakālamatikramyetyarthaḥ | anenaivābhiprāyeṇa kārṣṇājinirapi— bhūtaviddhāmamāvāsyāṃ mohādajñānatopi vā | śrāddhakarmaṇi ye kuryusteṣāmāyuḥ prahīyate - [Previous: 3.p33](https://indike.org/pramana/in.niti.dharma.nibandha.mahanibandha.smrticandrika.3.p33) - [Next: 3.p35](https://indike.org/pramana/in.niti.dharma.nibandha.mahanibandha.smrticandrika.3.p35) - [Up: 3](https://indike.org/pramana/in.niti.dharma.nibandha.mahanibandha.smrticandrika.3) ## Linked texts (1) - [Kārṣṇājinismṛti (fragments)](https://indike.org/pramana/in.niti.dharma.uddhrta.karsnajinismrti*fragments.1.9) — Sanskrit --- Source: [https://indike.org/pramana/in.niti.dharma.nibandha.mahanibandha.smrticandrika.3.p34](https://indike.org/pramana/in.niti.dharma.nibandha.mahanibandha.smrticandrika.3.p34) · Pramāṇa