[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Smriticandrika](https://indike.org/pramana/in.niti.dharma.nibandha.mahanibandha.smrticandrika) › 5.p31 # Smriticandrika 5.p31 Smṛticandrikā 5.p31 - **Language:** Sanskrit ### [5.p31](https://indike.org/pramana/in.niti.dharma.nibandha.mahanibandha.smrticandrika.5.p31) atha prasaṅgāttithidvaidhanirṇayaḥ. tatra skandapurāṇaṃpratipatprabhṛtayassarvā udayādodayādraveḥ | sampūrṇā iti vikhyātā harivāsaravarjitāḥ || iti | atra sampūrṇāsu nissandigdhameva karmānuṣṭhānam | yatra punaḥ kṣayavṛddhibhyāṃ tithidvaividhyaṃ tatra nigamoktaṃyugmāgniyugabhūtānāṃ ṣaṇmunyorvasurandhrayoḥ | rudreṇa dvādaśī yuktā caturdaśyā ca pūrṇimā || pratipadā'pyamāvāsyā tithyoryugmaṃ mahāphalam | etadvyastaṃ mahādoṣaṃ hanti puṇyaṃ purākṛtam || iti | tatra yugmādirandhrāntaiḥ śabdaiḥ krameṇa dvitīyādinavamyantānāṃ grahaṇaṃ, tithyoryugmamityabhidhānāt | rudra ekādaśī | dvitīyādipratipadantāsu krameṇa dvayordvayostithyoḥ parasparameva yugmaṃ mahāphalaṃ, na punarvyastatithyantarayugmamityarthaḥ | anenoktayugmatithisaptake pūrvā tithiḥ uttaraviddhā grāhyā | uttarā tu pūrvaviddhetyuktaṃ bhavati | tṛtīyādivaddaśamītrayodaśyāvapi pūrvaviddhe | tathāca paiṭhīnasiḥpañcamī saptamī caiva daśamī ca trayodaśī | pratipannavamī caiva kartavyā saṃmukhā tithiḥ || iti | saṃmukhā pūrvaviddhetyarthaḥ | 'saṃmukhā nāma sāyāhnavyāpinī dṛśyate yadā' iti skandapurāṇe darśanāt | yattu nigamavākye tṛtīyāpaurṇamāsyoḥ pūrvaviddhatvamuktaṃ, tat vrata viśeṣābhiprāyam | ata eva brahmavaivarterambhākhyāṃ varjayitvā tu tṛtīyāṃ dvijasattama | anyeṣu sarvakāryeṣu gaṇayuktā praśasyate || bhūtaviddhā na kartavyā amā pūrṇā kadācana | varjayitvā muniśreṣṭha sāvitrīvratamuttamam - [Previous: 5.p30](https://indike.org/pramana/in.niti.dharma.nibandha.mahanibandha.smrticandrika.5.p30) - [Next: 5.p32](https://indike.org/pramana/in.niti.dharma.nibandha.mahanibandha.smrticandrika.5.p32) - [Up: 5](https://indike.org/pramana/in.niti.dharma.nibandha.mahanibandha.smrticandrika.5) ## Linked texts (1) - [Paiṭhīnasidharmasūtra (fragments)](https://indike.org/pramana/in.vedanga.kalpa.dharma.paithinasi*fragments.5.2) — Sanskrit --- Source: [https://indike.org/pramana/in.niti.dharma.nibandha.mahanibandha.smrticandrika.5.p31](https://indike.org/pramana/in.niti.dharma.nibandha.mahanibandha.smrticandrika.5.p31) · Pramāṇa