[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Smritikaustubha](https://indike.org/pramana/in.niti.dharma.nibandha.mahanibandha.smrtikaustubha) › 10.94.19 # Smritikaustubha 10.94.19 Smṛtikaustubha 10.94.19 - **Language:** Sanskrit ### [10.94.19](https://indike.org/pramana/in.niti.dharma.nibandha.mahanibandha.smrtikaustubha.10.94.19) atha pūjā | tithyādisaṃkīrtya śrīlalitādevīvratoktaphalāvāptyarthaṃ pūjanamahaṃ kariṣye | āsanādikalaśapūjāntaṃ kṛtvā pīṭhe vidhivatkalaśaṃ saṃsthāpya pūjāṃ kuryāt | dhyānam | nīlakauśeyavasanāṃ hemābhāṃ kamalāsanām | bhaktānāṃ varadāṃ nityaṃ lalitāṃ cintayāmyaham | dhyānaṃ | āgaccha lalite devi sarvasaṃpatpradāyini | yāvadvrataṃ samāpyeta tāvattvaṃ saṃnidhau bhava | sahasraśīrṣetyāvāhanaṃ | kārtasvaramayaṃ divyaṃ nānāmaṇigaṇānvitam | anekaśaktisaṃyuktamāsanaṃ pratigṛhyatām | puruṣaevetyāsanaṃ | gaṅgādisarvatīrthebhyo mayā prārthanayāhṛtam | toyametatsukhasparśaṃ pādyārthaṃ pratigṛhyatām | etāvānasyeti pādyaṃ | nidhīnāṃ sarvaratnānāṃ tvamanarghyaguṇā hyasi | tathāpi bhaktyārādhye tvāṃ gṛhāṇārghyaṃ namostu te | tripādūrdhvaṃtyarghyaṃ | pāṭalośīrakarpūrasurabhi svādu śītalam toyamācamanīyārthaṃ śiśiraṃ pratigṛhyatām | tasmādvirāḷityācamanīyaṃ | mandākinyāḥ samānītaṃ hemāmbhoruhavāsitam | snānāya te mayā bhaktyā nīraṃ svīkriyatāmidam | yatpuruṣeṇeti snānaṃ atrāpyāyasvetyādipañcāmṛtasnānaṃ pūrvapūjanaṃ ca | mahābhiṣekaḥ sarvabhūṣādhike saumye lokasajjānivārake | mayopapādite tubhyaṃ vāsasī pratigṛhyatām | taṃyajñamiti vastraṃ | tasmādyajñāditi yajñopavītaṃ | malayācalasaṃbhūtaṃ ghanasāraṃ manoharam hṛdayānandanaṃ cāru candanaṃ pratigṛhyatām | tasmādyajñāditi gandhaṃ akṣatā vimalāḥ śuddhā muktāmaṇisamaprabhāḥ | bhūṣaṇārthaṃ ca mayā devi dehi me nirmalāṃ dhiyam | hiraṇyarūpa ityalaṃkārārthe akṣatāḥ haridrādisaubhāgyadravyaṃ | nāgaketakapunnāgacampakebhyaḥ samāhṛtāḥ - [Previous: 10.94.18](https://indike.org/pramana/in.niti.dharma.nibandha.mahanibandha.smrtikaustubha.10.94.18) - [Next: 10.94.20](https://indike.org/pramana/in.niti.dharma.nibandha.mahanibandha.smrtikaustubha.10.94.20) - [Up: 10.94](https://indike.org/pramana/in.niti.dharma.nibandha.mahanibandha.smrtikaustubha.10.94) ## Linked texts (2) - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.7.94.19) — Anantadeva 1650, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.4.p11) — Anantadeva 1645, Sanskrit --- Source: [https://indike.org/pramana/in.niti.dharma.nibandha.mahanibandha.smrtikaustubha.10.94.19](https://indike.org/pramana/in.niti.dharma.nibandha.mahanibandha.smrtikaustubha.10.94.19) · Pramāṇa