[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Great comprehensive digests](https://indike.org/pramana/in.niti.dharma.nibandha.mahanibandha) › [Smrititattva](https://indike.org/pramana/in.niti.dharma.nibandha.mahanibandha.smrtitattva) › 1.p2.110 # Smrititattva 1.p2.110 Smṛtitattva 1.p2.110 - **Language:** Sanskrit ### [1.p2.110](https://indike.org/pramana/in.niti.dharma.nibandha.mahanibandha.smrtitattva.1.p2.110) triḥ pivedityarthaḥ| audatto'pyevam| piṇḍapūjānantaraṃ vasantāyetyasya pāṭhaḥ| tathāca brahmapurāṇaṃ “pūjayitvā tu piṇḍasthān pitṛṃśca praṇameddatūna| vasantāya namastubhyaṃ grīṣmāya ca namonamaḥ|| varṣābhyaśca śarat saṃjña ṛtave ca namaḥ sadā hemantāya namastubhyaṃ namaste śiśirāya ca|| māsasaṃvatsarebhyaśca divasebhyo namo namaḥ”| iti brāhmaṇanimantraṇapakṣe yamaḥ| “prārthayettu pradoṣānte bhuktānnaṃ śayitān dvijān sarvāẏāsarvinirmuktaiḥ kāmakrodhavivarjitaiḥ| bhavitavyaṃ bhavadbhiśca śvaḥbhūte śrāddhakarmaṇi|| te taṃ tathetyavighnena yāti cedrajanau sukham”|| prārthayet nimantraṇapūrvvakaṃ niyamamarthayet tanniyamamāha sarvvāyāsetyādi | te brāhmaṇāstaṃ nimantrayitāraṃ tathetyūcuriti śeṣaḥ | atraika brāhmaṇanimantraṇapakṣe'pi prakṛtyābūḍhābhāvānna bahuvacanasthāne ekavacanohaḥ navāvādhaḥ vaibhaktikārthāpekṣayā prāthamikatvena balavataḥ prātipādikārthasya samavetārthatvena niyojyatvāt kintvavikṛta eva mantraḥ pāṭhyaḥ | matsyapurāṇe | “tvaṃ mayātra nimantrita ityupakramya bahuvacanānta mantrapāṭhācca tadyathā; “dakṣiṇa jānu cālabhya tvaṃ mayātra nimantritaḥ | evaṃ nimantrya niyamān śrāvayet paitṛkān budhaḥ” || tanniyamamāha “akrodhanaiḥ śocaparaiḥ satataṃ brahmacāribhiḥ | bhavitavyaṃ bhavadbhiśca mayā ca śrāddhakarmaṇi” prakṛtāvevaṃ prāptatvāt ekoddiṣṭe'pi nohaḥ | evaṃ devatābhyaḥ pitṛbhyaścetyanūha eva pāṭhyaḥ pitṛpadasyāgniṣvāttādiparatvāt atra paradinanisandhaṇe sarvvāyāsetyasya na pāṭhaḥ śvaḥ padānanvayāt kintvakrodhanairityasya pāṭhaḥ - [Previous: 1.p2.109](https://indike.org/pramana/in.niti.dharma.nibandha.mahanibandha.smrtitattva.1.p2.109) - [Next: 1.p2.111](https://indike.org/pramana/in.niti.dharma.nibandha.mahanibandha.smrtitattva.1.p2.111) - [Up: 1.p2](https://indike.org/pramana/in.niti.dharma.nibandha.mahanibandha.smrtitattva.1.p2) ## Linked texts (2) - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.12.p32) — Devaṇṇabhaṭṭa, Sanskrit - [Śrāddhakalpa](https://indike.org/pramana/in.niti.dharma.sraddha.mithila_bengal.sraddhakalpa.3.p318) — Śrīdatta Upādhyāya, Sanskrit --- Source: [https://indike.org/pramana/in.niti.dharma.nibandha.mahanibandha.smrtitattva.1.p2.110](https://indike.org/pramana/in.niti.dharma.nibandha.mahanibandha.smrtitattva.1.p2.110) · Pramāṇa