[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Kalanirnaya (Kalamadhaviya)](https://indike.org/pramana/in.niti.dharma.nibandha.nirnaya.kalamadhaviya) › 3.p51 # Kalanirnaya (Kalamadhaviya) 3.p51 Kālanirṇaya (Kālamādhavīya) 3.p51 - **Language:** Sanskrit ### [3.p51](https://indike.org/pramana/in.niti.dharma.nibandha.nirnaya.kalamadhaviya.3.p51) “roge cālabhyayoge ca sīmante puṃsave'pica | yaddadāti samuddiṣṭaṃ pūrvvañcāpi na duṣyati”—iti | nimittavaśāt prāyaścittāni acchidrakāṇḍe bahūni śrūyante, āhitāgniryyadā agnīnanvādhāyeṣṭimakṛtvā grāmāntare prayāṇaṃ kuryyāt, tadā tubhyantā iti mantreṇa juhuyāt | tathā ca śrutiḥ,—“sarvvān vā eṣo'gnau kāmān praveśayati yo'gnīnanvādhāya vratamupaiti, sa yadā'niṣṭvā prayāyāt akāmaprītā enaṃ kāmānuprayāyuḥ | atejā avīryyaḥ syāt sa juhuyāttubhyantā aṅgirastamavidhāḥ sucitayaḥ pṛthak | agna kāmāyayemira iti | kāmamevāsmin dadhāti kāmaprītā enaṃ kāmā anuprayānti tejasvī vīryyavān bhavati | yasyobhayaṃ havirārttimārcchet aindraṃ pañcaśarāvamodanaṃ nirvapet”—iti | kauthumiḥ,— “abdamambhughaṭaṃ dadyādannañcāpi susañcitam | saṃvatsare vivṛddhe'pi pratimāsañca māsikam”—iti | marīciḥ,— “pratimāsaṃ mṛtāhe yat śrāddhañca prativatsaram | manvādau ca yugādau ca māsayorubhayorapi ”—iti | matsyapurāṇe'pi,— “varṣe cāharahaḥ śrāddhaṃ dānañca prativāsaram | go-bhū-tila-hiraṇyānāṃ māse'pi syānmalimluce”—iti | evamabhakṣyāpeyavarjana-sandhyāvandanādiṣvapi viśeṣataḥ sākṣivacanānyudāharaṇīyāni | sāmānyatastu,— - [Previous: 3.p50](https://indike.org/pramana/in.niti.dharma.nibandha.nirnaya.kalamadhaviya.3.p50) - [Next: 3.p52](https://indike.org/pramana/in.niti.dharma.nibandha.nirnaya.kalamadhaviya.3.p52) - [Up: 3](https://indike.org/pramana/in.niti.dharma.nibandha.nirnaya.kalamadhaviya.3) ## Linked texts (1) - [Marīcismṛti (fragments)](https://indike.org/pramana/in.niti.dharma.uddhrta.maricismrti*fragments.1.9) — Sanskrit --- Source: [https://indike.org/pramana/in.niti.dharma.nibandha.nirnaya.kalamadhaviya.3.p51](https://indike.org/pramana/in.niti.dharma.nibandha.nirnaya.kalamadhaviya.3.p51) · Pramāṇa