[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Kalanirnaya (Kalamadhaviya)](https://indike.org/pramana/in.niti.dharma.nibandha.nirnaya.kalamadhaviya) › 3.p52 # Kalanirnaya (Kalamadhaviya) 3.p52 Kālanirṇaya (Kālamādhavīya) 3.p52 - **Language:** Sanskrit ### [3.p52](https://indike.org/pramana/in.niti.dharma.nibandha.nirnaya.kalamadhaviya.3.p52) “nityanaimittike kuryāt prayatnaḥ sanmalimluce”—iti bṛhaspativacanaṃ pūrvamevodāhṛtam | nanu, udāhṛteṣu saṃgrahavacaneṣu bhādrapadāparapakṣaśrāddhasyāpyubhayatra karttavyatā pratīyate | mahālayayugādiṣviti tatra paṭhitatvāt | sā cobhayatra karttavyatā smṛtiviruddhā | mahāmalayāṣṭakā śrāddheti kāṭhakagṭahye varjyasmaraṇaṃ pūrvamudāhṛtam | bhṭagurapi,— “vṛddhiśrāddhaṃ tathā somamagnyādheyaṃ mahālayam | rājābhiṣekaṃ kāmyañca na kuryādbhānulāṅghite”—iti | nāgarakhaṇḍe'pi,— “nabhovā'tha nabhasyovā malamāso yadā bhavet | saptamaḥ pitṭapakṣaḥ syādanyatraiva tu pañcamaḥ”—iti | āṣāḍhīmavadhiṃ kṛtvā saptama-pañcamau draṣṭavyau | “āṣāḍhyāḥ pañcame pakṣe” —iti vacanāt | āṣāḍhamāsasyāntyabhāge karkaṭasaṃkrāntau nabhaso'dhikamāsatvam | śrāvaṇamāsasyāntyabhāge siṃhasaṃkrāntau nabhasyasyādhikamāsatvam | tayorubhayorapi pakṣayoḥ kanyāyāṃ varttamāne savitari yaḥ kṛṣṇapakṣaḥ sa saptamo bhavati | asati tu dvividhe'dhikamāse pañcamaḥ | tathā sati, saptame vihitasyāparapakṣaśrāddhasya malina-nabhasya-kṛṣṇapakṣe'nuṣṭhānamayuktam | nāyaṃ doṣaḥ | saṃgraha-vākya-gata-mahālaya-śabdena tīrthaviśeṣasya vā maghātrayodaśyā vā vivakṣaṇauyatvāt | nanu, “malimlucānyamāseṣu mṛtānāṃśrāddhamābdikam”—iti pratisaṃvatsaraṃ prāpyamāṇasya mṛtaśrāddhasya māsaddaya-karttavyatā saṃgrahe darśitā | sā na yuktā, malamāse tanniṣedhāt | tathā ca satyavrataḥ,— "varṣe varṣe tu yacchrāddhaṃ mātāpitromṛte'hani| malamāse na karttavyaṃ vyāghrasya vacanaṃ yathā"-iti - [Previous: 3.p51](https://indike.org/pramana/in.niti.dharma.nibandha.nirnaya.kalamadhaviya.3.p51) - [Next: 3.p53](https://indike.org/pramana/in.niti.dharma.nibandha.nirnaya.kalamadhaviya.3.p53) - [Up: 3](https://indike.org/pramana/in.niti.dharma.nibandha.nirnaya.kalamadhaviya.3) ## Linked texts (1) - [Satyavratasmṛti (fragments)](https://indike.org/pramana/in.niti.dharma.uddhrta.satyavratasmrti*fragments.1.1) — Sanskrit --- Source: [https://indike.org/pramana/in.niti.dharma.nibandha.nirnaya.kalamadhaviya.3.p52](https://indike.org/pramana/in.niti.dharma.nibandha.nirnaya.kalamadhaviya.3.p52) · Pramāṇa