[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Kalanirnaya (Kalamadhaviya)](https://indike.org/pramana/in.niti.dharma.nibandha.nirnaya.kalamadhaviya) › 4.p13 # Kalanirnaya (Kalamadhaviya) 4.p13 Kālanirṇaya (Kālamādhavīya) 4.p13 - **Language:** Sanskrit ### [4.p13](https://indike.org/pramana/in.niti.dharma.nibandha.nirnaya.kalamadhaviya.4.p13) tāsāṃ pañcadaśānāṃ kalānāmekaikāṃ kalāṃ vahnyādayaḥ prajāpatyantāḥ pañcadaśa devatāḥ krameṇa pivanti | tatra, vahni-peyā kalā prathamaṃ pīyate, — iti prathametyucyate, tayā yuktaḥ kāla-viśeṣaḥ prāthamyavācinā pratipacchabdenābhidhīyate | evaṃ dvitīyādīnāṃ pañcadaśyantānāṃ tithīnāṃ nāmānyavagantavyāni | tāetāḥ kṛṣṇa-pakṣa-tithayo bhavanti | punaśca, tāḥ pītāḥ kalā anenaiva krameṇa tattatpāda-vahnyādi-devatābhyo nirgatya candra-maṇḍalaṃ pūrayanti | tābhiryuktāḥ kāla-viśeṣāḥ śukla pakṣa-gatāḥ pratipadādyāstithayo bhavanti| vahnyādi-devatānāṃ kalā-pānaṃ somotpattau paṭhyate | tathāddi,— “prathamāṃ pivate vahnirdvitīyāṃ pibate raviḥ | viśvedevāstṛtīyāṃ tu caturthīṃ salilādhipaḥ || pañcamīṃ tu vaṣaṭkāraḥ ṣaṣṭhīṃ pibati vāsavaḥ | saptamīmṛṣayo divyā aṣṭamīmajaekapāt || navamīṃ kṛṣṇapakṣasya yamaḥ prāśnāti vai kalām | daśamīṃ pibate vāyuḥ pibatyekādaśīmumā || dvādaśīṃ pitaraḥ sarve samaṃ prāśnanti bhāgaśaḥ | trayodaśīṃ dhanādhyakṣaḥ kuberaḥ pivate kalām|| caturdaśīṃ paśupatiḥ pañcadaśīṃ prajāpatiḥ | niṣpītasya kalāśeṣa ścandramā na prakāśate || kalā ṣoḍaśikā yā tu apaḥ praviśate sadā | amāyāṃ tu sadā soma oṣadhīḥ pratipadyate || tamoṣadhigataṃ gāvaḥ pivantyambugatañca yat | tatkṣīramamṛtaṃ bhūtvā mantrapūtaṃ dvijātibhiḥ || hutamagniṣu yajñeṣu punarāpyāyate† śaśī | dinedine kalāvṛddhiḥ paurṇamāsyāṃ tu pūryete ‡”—iti - [Previous: 4.p12](https://indike.org/pramana/in.niti.dharma.nibandha.nirnaya.kalamadhaviya.4.p12) - [Next: 4.p14](https://indike.org/pramana/in.niti.dharma.nibandha.nirnaya.kalamadhaviya.4.p14) - [Up: 4](https://indike.org/pramana/in.niti.dharma.nibandha.nirnaya.kalamadhaviya.4) ## Linked texts (3) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.3.p9) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.5.p3) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.5.p3) — Gadādhara (Pāraskara commentator), Sanskrit --- Source: [https://indike.org/pramana/in.niti.dharma.nibandha.nirnaya.kalamadhaviya.4.p13](https://indike.org/pramana/in.niti.dharma.nibandha.nirnaya.kalamadhaviya.4.p13) · Pramāṇa