[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Kalanirnaya (Kalamadhaviya)](https://indike.org/pramana/in.niti.dharma.nibandha.nirnaya.kalamadhaviya) › 4.p32 # Kalanirnaya (Kalamadhaviya) 4.p32 Kālanirṇaya (Kālamādhavīya) 4.p32 - **Language:** Sanskrit ### [4.p32](https://indike.org/pramana/in.niti.dharma.nibandha.nirnaya.kalamadhaviya.4.p32) śaradyadaivāstametyatha hemantaḥ”—iti | pañcadaśadhā vibhāgaḥ śaṅkhena darśitaḥ,— “raudraśvaitraśca maitraśca tathā śālakaṭaḥ smṛtaḥ | sāvitraśca jayantaśca gāndharvvaḥ kutapastathā || rauhiṇaśca viriñciśca vijayonairṛtastathā | mahendrovaruṇaścaiva bhedāḥ pañcadaśa smṛtāḥ”—iti || tatra, pañcadhā vibhāgapakṣasya bahu-śruti-smṛtiṣu dṛṣṭatvāt prāyeṇaitameva pakṣamāśritya vidhi-niṣedha-śāstrāṇi pravartante | “sūryorjyotirjyotiḥ sūryyaḥ svāheti prātaḥ”—iti śrutau prātaḥkālamupajīvya tatkālīnasya homasya mantra-viśeṣo'bhihitaḥ | smṛtāvapi,— “sandhyāmupāsya vidhivat prātarhomaṃ samācaret”—iti homāṅgatvena prātaḥkāla āśritaḥ | saṅgavastu kātyāyanena vyavahṛtaḥ,— “sandhiñcetsaṅgavādūrddhvaṃ prāk cedāvarttanādraveḥ | sā paurṇamāsī vijñeyā sadyaskāla-vidhau tithiḥ”—iti | baudhāyanena madhyāhno vyavahṛtaḥ,— “madhyāhnavyāpinī grāhyā ekabhakta-vrate tithiḥ”—iti | “amāvāsyāyāmaparāhne piṇḍapitṛyajñena caranti”—iti śrutyā aparāhnovyavahṛtaḥ | sāyāhna-vyavahārastu pūrvvameva, ‘saṃmukhī nāma’—iti vacanenodāhṛtaḥ | tredhā vibhāgastu, somayāge savanatraye upayujyate | yathokteṣu pañcasu kāleṣu yāni vihitāni karmāṇi, tāni daiva-pitrya- - [Previous: 4.p31](https://indike.org/pramana/in.niti.dharma.nibandha.nirnaya.kalamadhaviya.4.p31) - [Next: 4.p33](https://indike.org/pramana/in.niti.dharma.nibandha.nirnaya.kalamadhaviya.4.p33) - [Up: 4](https://indike.org/pramana/in.niti.dharma.nibandha.nirnaya.kalamadhaviya.4) --- Source: [https://indike.org/pramana/in.niti.dharma.nibandha.nirnaya.kalamadhaviya.4.p32](https://indike.org/pramana/in.niti.dharma.nibandha.nirnaya.kalamadhaviya.4.p32) · Pramāṇa