[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Kalanirnaya (Kalamadhaviya)](https://indike.org/pramana/in.niti.dharma.nibandha.nirnaya.kalamadhaviya) › 4.p51 # Kalanirnaya (Kalamadhaviya) 4.p51 Kālanirṇaya (Kālamādhavīya) 4.p51 - **Language:** Sanskrit ### [4.p51](https://indike.org/pramana/in.niti.dharma.nibandha.nirnaya.kalamadhaviya.4.p51) māṅgalika-śrāddhasya| hrāsavṛddhyādītyādi-śabdena, kharvasya grahaṇam| tadevaṃ pūrvedyuḥ śuklapratipadyupavāsaṃ kṛtvā paredyuḥ pāraṇaṃ kuryāt | tacedañcintyate | kiṃ prātaḥ pāraṇam, kiṃ vā tithyante ? iti | nādyaḥ, sumantu-vacana-virodhāt ; "tithi-nakṣatra-niyame tithi-bhānte ca pāraṇam | ato'nyathā pāraṇe tu vrata-bhaṅgamavāpnuyāt”—iti | na dvitīyaḥ, devala-vacana-virodhāt; "upavāseṣu sarveṣu pūrvāhṇe pāraṇaṃ bhavet | anyathā tu phalasyārddhaṃ dharmamevopasarpati”—iti | dharmoyamaḥ | nāyaṃ doṣaḥ | pūrvāhna-vākyasya sāmānyarūpatvena paraviddhopavāsa-viṣayatayā saṃkocanīyatvāt | etadevābhipretya nigamaḥ,— "pūrva-viddhāsu tithiṣu bheṣu ca śravaṇaṃ vinā | upoṣva vidhivat kuryāttattadante ca pāraṇam”—iti | bheṣu nakṣatreṣu | skandapurāṇe'pi,— “tithīnāmeva sarvāsāmupavāsa-vratādiṣu | tithyante pāraṇaṃ kuryāt vinā śivacaturdaśīm”—iti | atropavāsavratādikhityādi-śabde naikabhaktanaktāyācitāni gṛhyante | yāṃ tithimaddiśyaitāni pūrvedyurvihitāni, paredyustattithi-bhāge'tīte paścādbhojanaṃ kāryyam | anyathā, pūrvadinānuṣṭhitaikabhaktādi-vratānāṃ vaikalyaṃ syādityabhiprāyaḥ | asya ca tithi-bhānta-pāraṇasyāpavādaḥ kvacit smaryyate,— - [Previous: 4.p50](https://indike.org/pramana/in.niti.dharma.nibandha.nirnaya.kalamadhaviya.4.p50) - [Next: 4.p52](https://indike.org/pramana/in.niti.dharma.nibandha.nirnaya.kalamadhaviya.4.p52) - [Up: 4](https://indike.org/pramana/in.niti.dharma.nibandha.nirnaya.kalamadhaviya.4) ## Linked texts (2) - [Kālatattvavivecana](https://indike.org/pramana/in.niti.dharma.kala.kalatattvavivecana.1.p103) — Raghunātha Vājapeyin 1595, Sanskrit - [Tithyarka](https://indike.org/pramana/in.niti.dharma.kala.tithi.tithyarka.1.5.p1.3) — Divākarabhaṭṭa 1658, Sanskrit --- Source: [https://indike.org/pramana/in.niti.dharma.nibandha.nirnaya.kalamadhaviya.4.p51](https://indike.org/pramana/in.niti.dharma.nibandha.nirnaya.kalamadhaviya.4.p51) · Pramāṇa