[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Kalanirnaya (Kalamadhaviya)](https://indike.org/pramana/in.niti.dharma.nibandha.nirnaya.kalamadhaviya) › 7.p14 # Kalanirnaya (Kalamadhaviya) 7.p14 Kālanirṇaya (Kālamādhavīya) 7.p14 - **Language:** Sanskrit ### [7.p14](https://indike.org/pramana/in.niti.dharma.nibandha.nirnaya.kalamadhaviya.7.p14) vināyaka-vrate kiṃ dinamupādeyamiti vīkṣāyāṃ , pūrva-dinaṃ vidhāya paradinaṃ pratiṣedhati | athocyeta,—“jayā ca yadi saṃpūrṇā”—ityanena karma-kāla-rūpamadhyāhna-samāpti† paryyantatvaṃ na vivakṣitam, kiṃ tarhyastamaya-paryyantatvam,—iti | evaṃ tarhi, pūrva-viddhaiva nāsti, vedhikāyāḥ pūrvatitheḥ saṃpūrṇatve sati vedhyāyāścaturthyāanavakāśatvāt‡ | atha, mā bhūtpūrvaviddhatvaṃ, tathāpi madhyāhna-vyāpinyāṃ jayāyāṃ vihitāyāṃ paredyurmadhyāhnavyāpitvaṃ bādhyate,—iti cet | maivam | na khalūttarasya dinasya heyatve madhyāhna-vyāpitvaṃ kāraṇatayopanyasyate, kintu nāga-viddhatvam | ato nāga-viddhatva-nindāyāṃ vacanasya tātparyyaṃ na caturthī-rahita-jayāvidhāne | anyathā, caturthī-nindāyāmapi tātparyyaṃ prasajyeta | na ca tadyuktam | na hi, vara-ghātāya kanyāmudāhayanti ! vacana-cchāyā tu nāga-viddha(-heyatve kaimutika-nyāya-parā lakṣyate§ ‘yadi’ śabda-prayogāt | yadyapi jayā saṃpūrṇā, tathāpi nāgaviddhā heyā | kimuta jayā-yuktāyāṃ caturthyāṃ sambhavantyāmiti hi vacanavyaktiḥ | madhyāhna-vyāptāviyatī bhaktiḥ kutastyeti cet | caturthīrahitāyāṃ śuddhatṛtīyāyāṃ tavāpi kutobhaktiriti samānaḥ paryyanuyogaḥ | vacana-balādityuttaramasmākamapi | vacanayoḥ paraspara-kalahe pūrvoktābhyāṃ mukhyatva-ni- - [Previous: 7.p13](https://indike.org/pramana/in.niti.dharma.nibandha.nirnaya.kalamadhaviya.7.p13) - [Next: 7.p15](https://indike.org/pramana/in.niti.dharma.nibandha.nirnaya.kalamadhaviya.7.p15) - [Up: 7](https://indike.org/pramana/in.niti.dharma.nibandha.nirnaya.kalamadhaviya.7) --- Source: [https://indike.org/pramana/in.niti.dharma.nibandha.nirnaya.kalamadhaviya.7.p14](https://indike.org/pramana/in.niti.dharma.nibandha.nirnaya.kalamadhaviya.7.p14) · Pramāṇa