[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Kalanirnaya (Kalamadhaviya)](https://indike.org/pramana/in.niti.dharma.nibandha.nirnaya.kalamadhaviya) › 7.p16 # Kalanirnaya (Kalamadhaviya) 7.p16 Kālanirṇaya (Kālamādhavīya) 7.p16 - **Language:** Sanskrit ### [7.p16](https://indike.org/pramana/in.niti.dharma.nibandha.nirnaya.kalamadhaviya.7.p16) saṃśaye, pūrvamiti brūmaḥ | parasya nāga-viddhatva-doṣopetatvāt | pūrvasya ca tadabhāvatvāt | etadevābhipretya skandapurāṇe pavyate,— “jyeṣṭhe ca vaṭa-sāvitrī tathā'naṅga-trayodaśī | vināyaka-caturthī ca karttavyā saṃmukhī tithiḥ”—iti | vināyaka-vratavannāga-vrate'pi caturthī madhyāhna-vyāpinī grāhyā | nāga-vratacca kūrmapurāṇe darśitam,— “tithau yugāṅgayāyāñca samupoṣya yathāvidhi | śaṅkhapālādi-nāgānāṃ śeṣasya ca mahātmanaḥ || pūjā kāryā puṣpa-gandha-cīrāpyāyana-pūrvakam | viṣāṇi tasya naśyanti na ca tān ghnanti pannagāḥ”—iti | yugāṅgayā caturthī | madhyāhna-vyāpitvañca devalenoktam†,— “yugaṃ madhyandine yatra tatropoṣyā phaṇīśvarān | kṣīreṇāpyāyya pañcamyāṃ pūjayet prayatonnaraḥ || viṣāṇi tasya naśyanti na tān hiṃsanti pannagāḥ”—iti | yugaṃ caturthī | vināyakacaturthī-nāgacaturthyoriyān viśeṣaḥ ;— ekabhakta-nyāyena madhyāhna-vyāpteḥ ṣoḍhā bhede sati, yadā paredyureva madhyāhna-vyāptistadā vināyaka-caturthī parā | itareṣu tu pañcasu bhedeṣu jayā-yogasya praśastatvāt pūrvedyureva sā bhavati | yadā tu pūrvedyureva madhyāhna-vyāpinī, tadā nāga-caturthī pūrvā | itareṣu tu pañcasu bhedeṣu pañcamī-yogasya praśastatvāt uttarā bhavati | tatprāśastyañca,— - [Previous: 7.p15](https://indike.org/pramana/in.niti.dharma.nibandha.nirnaya.kalamadhaviya.7.p15) - [Next: 7.p17](https://indike.org/pramana/in.niti.dharma.nibandha.nirnaya.kalamadhaviya.7.p17) - [Up: 7](https://indike.org/pramana/in.niti.dharma.nibandha.nirnaya.kalamadhaviya.7) ## Linked texts (4) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.4.p37) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.5.p63) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.5.p63) — Gadādhara (Pāraskara commentator), Sanskrit - [Kāladīpa](https://indike.org/pramana/in.niti.dharma.kala.utkala.kaladipa.p64) — Divyasiṃha Mahāpātra 1640, Sanskrit --- Source: [https://indike.org/pramana/in.niti.dharma.nibandha.nirnaya.kalamadhaviya.7.p16](https://indike.org/pramana/in.niti.dharma.nibandha.nirnaya.kalamadhaviya.7.p16) · Pramāṇa