[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 16.4 # Nirnayasindhu 16.4 Nirṇayasindhu 16.4 - **Language:** Sanskrit ### [16.4](https://indike.org/pramana/in.niti.dharma.nibandha.nirnaya.nirnayasindhu.16.4) evaṃ navamīparyantaṃ pratyahaṃ kuryāt atra viśeṣo hemādrau devīpurāṇe-“yadādye divase kuryāccaṇḍikāpūjanādikam | dviguṇaṃ tadvitīyehni triguṇaṃ tatparehani || navamītithiparyantaṃ vṛddhyā pūjājapādikam” iti etena navarātre pūjaiva pradhānam | upavāsādi tvaṅgamiti gamyate | tithihrāse tu tithidvayanimittaṃ pūjādi mahālayaśrāddhavadekādine āvṛttyā kāryam | vṛddhau tadvadevāvṛttiḥ || tato navarātropavāsādisaṅkalpaṃ kuryāt | svasyāśaktāvanyena vā pūjādi kārayet | ‘svayaṃ vāpyanyato vāpi pūjayetpūjayīta vā’ iti taraṅgiṇyāṃ devīpurāṇāt śukrāstādāvapi devīpūjananirṇayaḥ idaṃ ca devīpūjanaṃ śukrāstādāvapi kāryam | taduktaṃ dharmapradīpe-"naṣṭe śukre tathā jīve siṃhasthe ca bṛhaspatau | kāryā caiva svadevyarcā pratyabdaṃ kuladharmataḥ" iti| malamāse tu vacanābhāvānna bhavati tatrāśvapūjananirṇayaḥ atha sāśvasyāśvapūjanamuktaṃ madanaratne devīpurāṇe-“āśvayuk śuklapratipatsvātīyroge śubhe dine | pūrvamuccaiḥśravā nāma prathamaṃ śriyamāvahat || tasmātsāśvairnaraistatra pūjyo'sau śraddhayā saha | pūjanīyāśca turagā navamī yāvadeva hi || śāntiḥ svastyayanaṃ kāryaṃ tadā teṣāṃ dinedine | dhānyaṃ bhallātakaṃ kuṣṭhaṃ vacā siddhārthakāstathā || pañcavarṇena sūtreṇa granthi teṣāṃ tu bandhayet | vāyavyairvāruṇaiḥ sauraiḥ śāktairmantraiḥ savaiṣṇavaiḥ || vaiśvadevaistathāgneyairhomaḥ kāryo dinedine" - [Previous: 16.5](https://indike.org/pramana/in.niti.dharma.nibandha.nirnaya.nirnayasindhu.16.5) - [Next: 16.3-2](https://indike.org/pramana/in.niti.dharma.nibandha.nirnaya.nirnayasindhu.16.3-2) - [Up: 16](https://indike.org/pramana/in.niti.dharma.nibandha.nirnaya.nirnayasindhu.16) --- Source: [https://indike.org/pramana/in.niti.dharma.nibandha.nirnaya.nirnayasindhu.16.4](https://indike.org/pramana/in.niti.dharma.nibandha.nirnaya.nirnayasindhu.16.4) · Pramāṇa