[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 16.5 # Nirnayasindhu 16.5 Nirṇayasindhu 16.5 - **Language:** Sanskrit ### [16.5](https://indike.org/pramana/in.niti.dharma.nibandha.nirnaya.nirnayasindhu.16.5) tathā-“granthisruṭitaśīrṇāṅgīṃ raktapūyavraṇāṅkitām | jātyandhāṃ kekarāṃ kāṇīṃ kurūpāṃ tanuromaśām || saṃtyajedrogiṇīṃ kanyāṃ dāsīgarbhasamudbhavām” tathā-“brāhmaṇīṃ sarvakāryeṣu jayārthe nṛpavaṃśajām | lābhārthaṃ vaiśyavaṃśotthāṃ sutārthe śūdravaṃśajām | dāruṇe cāntyajātānāṃ pūjayedvidhinā naraḥ” iti tatra vedapārāyaṇanirṇayaḥ atra vedapārāyaṇamapyuktaṃ rudrayāmale-“evaṃ caturvedavido viprānsarvānprasādayet | teṣāṃ ca varaṇaṃ kāryaṃ vedapārāyaṇāya vai” iti || tathā-“ekottarābhivṛddhyā tu navamī yāvadeva hi caṇḍīpāṭhaṃ japeccaiva jāpayedvā vidhānataḥ ||” tithitattve vārāhītantre-“praṇavaṃ cāditau japtvā stotraṃ vā saṃhitāṃ paṭhet | ante ca praṇavaṃ dadyādityuvācādipūruṣaḥ || ādhāre sthāpayitvā tu pustakaṃ prajapetsudhīḥ | hastasaṃsthāpanādeva yasmādvai viphalaṃ bhavet || svayaṃ ca likhitaṃ yacca śūdreṇa likhitaṃ bhavet | abrāhmaṇena likhitaṃ taccāpi viphalaṃ bhavet ṛṣicchandādikaṃ nyasya paṭhetstotravicakṣaṇaḥ| stotraṃ na dṛśyate yatra praṇavaṃ tatra vinyaset sarvatra pāṭhaye vijñeyastvanyathā viphalaṃ bhavet” - [Previous: 16.2-2](https://indike.org/pramana/in.niti.dharma.nibandha.nirnaya.nirnayasindhu.16.2-2) - [Next: 16.4](https://indike.org/pramana/in.niti.dharma.nibandha.nirnaya.nirnayasindhu.16.4) - [Up: 16](https://indike.org/pramana/in.niti.dharma.nibandha.nirnaya.nirnayasindhu.16) ## Linked texts (3) - [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.1.510) — Sanskrit - [Navarātrapradīpa](https://indike.org/pramana/in.niti.dharma.vrata.durgotsava.navaratrapradipa.115_273) — Nandapaṇḍita 1543, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p39) — Amṛtanātha Jhā Śarman 1800, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.16.5](https://indike.org/pramana/in.niti.dharma.nibandha.nirnaya.nirnayasindhu.16.5) · Pramāṇa