[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 19.3-2 # Nirnayasindhu 19.3-2 Nirṇayasindhu 19.3-2 - **Language:** Sanskrit ### [19.3-2](https://indike.org/pramana/in.niti.dharma.nibandha.nirnaya.nirnayasindhu.19.3-2) iti || evaṃ devīmadhivāsya paradine nimantritabilvaśākhāpatrīpraveśapūjāṃ kuryāt || taduktaṃ hemādrau laiṃge- "mūlābhāve tu saptamyāṃ kevalāyāṃ praveśayet | yugmābhyāṃ navabilvasya phalābhyāṃ śākhikāṃ tathā tathaiva pratimāṃ devyāḥ snātvābhyukṣya praveśayet || " atra copavāsapūjādāvaudāyikī saptamī grāhyā | na tu yugmavākyāt pūrvā | “yugādyā varṣavṛddhiśca saptamī pārvatīpriyā || kherudayamīkṣante na tatra tithiyugmatā” iti kṛtyatattvārṇavodāhṛtavacanāt || “bhagavatyāḥ praveśādivisargāntāśca yāḥ kriyāḥ | tithāvudayagāminyāṃ sarvāstāḥ kārayedbudhaḥ || ” iti tithitattve nandikeśvarapurāṇācca || durgābhaktitaraṅgiṇyāmapyevam || tatrāpi ghaṭikāto nyūnatve parā na kāryā | 'vratopavāsaniyame ghaṭikaikāpi yā bhavet' iti devalokteriti gauḍāḥ || dākṣiṇātyāstu pūrvavacanamadṛṣṭvā yugmavākyāt pūrvā kurvanti patrikāpūjānirṇayaḥ patrikāpūjā ca pūrvāhna eva kāryā | na tu mūlānurodhānmadhyāhnādāviti kṛtyatattvārṇave uktam | patrikāstu–“rambhā kacī haridrā ca jayantī vilvadāḍimau | aśoko mānavṛkṣaśca dhānyādi nava patrikāḥ ” iti tatraivoktāḥ devītrirātranirṇayaḥ asyāmeva saptamyāṃ devītrirātramuktaṃ hemādrau || pratipadādinavatithiṣu upavāsakaraṇāsāmarthye saptamyādidinatraye vā kuryāt || tadāha dhaumyaḥ-“āśvine māsi śukle tu kartavyaṃ navarātrakam | pratipadādi krameṇaiva yāvacca navamī bhavet || trirātraṃ vāpi kartavyaṃ saptamyādi yathākramam | ” ata eva hemādrau devīpurāṇe maṅgalavrate-“āśvine vātha vā māghe caitre vā śrāvaṇe'pi vā | kṛṣṇāṣṭamyādi kartavyaṃ vrataṃ śuklāvidhiṃ hareḥ || yāvacchuklāṣṭamī śakra upoṣyo tu vidhānataḥ | dānaṃ homo japaḥ pūjā kanyā bhojyāstathānvaham || mahābhairavarūpeṇa asthimālādharāśca ye | pūjanīyā viśeṣeṇa vastrairmāmapurādiṣu - [Previous: 19.2](https://indike.org/pramana/in.niti.dharma.nibandha.nirnaya.nirnayasindhu.19.2) - [Next: 19.9](https://indike.org/pramana/in.niti.dharma.nibandha.nirnaya.nirnayasindhu.19.9) - [Up: 19](https://indike.org/pramana/in.niti.dharma.nibandha.nirnaya.nirnayasindhu.19) ## Linked texts (1) - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.3.p28.6) — Ratnākara 1688, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.19.3-2](https://indike.org/pramana/in.niti.dharma.nibandha.nirnaya.nirnayasindhu.19.3-2) · Pramāṇa