[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 19.9 # Nirnayasindhu 19.9 Nirṇayasindhu 19.9 - **Language:** Sanskrit ### [19.9](https://indike.org/pramana/in.niti.dharma.nibandha.nirnaya.nirnayasindhu.19.9) ” iti māsacatuṣṭaye'bhidhāya || anyatrāpi-“athavā navarātraṃ ca saptamaṃ ca trikaṃ divā ekabhaktena naktenāyācitopoṣitaiḥ kramāt ” iti ||“ pūjayetāśvine śakra yāvacchuklāṣṭamībhavet | sarvakāryāṇi siddhayanti śakra nāstyatra saṃśayaḥ ” ityuktaṃ divetyekarātramuktam devīpurāṇe-“navarātravrate śaktastrirātraṃ caikarātrakam | vrataṃ carati yo bhaktastasmai dāsyāmi vāñchitam ” iti || tatrāpi saptamyāḥ pūjane pūrvokto nirṇayaḥ || atha tithiyaugapadye tantreṇopavāsaḥ || tithiyanimittaṃ pūjādikaṃ tu bhedena tatra viśeṣaḥ atra viśeṣo nirṇayāmṛte bhaviṣye-“saptamyāṃ nava gehāni dārujāni navāni ca | evaṃ vā vittabhāvena kārayetsusamāhitaḥ || durgāgṛhaṃ prakartavyaṃ caturasraṃ suśobhanam | tanmadhye vedikāṃ kuryāccaturhastāṃ samāṃ śubhām || tasyāṃ siṃhāsanaṃ kṣaumaṃ kambalājinasaṃyutam tatra durgā pratiṣṭhāpya sarvalakṣaṇasaṃyutām || bhujaiścaturbhī rucirairdaśabhirvā vibhūṣitām saptahāṭakavarṇābhāṃ trinetrāṃ śaśiśekharām || anekakusumākīrṇāṃ kapardena suśobhitām | nitambabimbasannaddhakiṃkiṇīkāṇanādinīm||śūlacakradaṇḍaśaktivajracāpāsidhāriṇīm|ghaṇṭākṣamālākarakapānapātralasatkarām || tadagre chinnāṃśirasaṃ māhiṣaṃ rudhirāplutam || niḥsṛtārdhatanuṃ kaṇṭhanāle carmāsidhāriṇam || devīdhṛtakaragrīvaṃ śūlenorasi tāḍitam | nāgapāśena vikṣiptaṃ haryakṣeṇāpi vidrutam || vamadrudhiravaktreṇa dhunvatordhvaṃ saṭāvṛṣā | sarvato mātṛcakreṇa sevyamānāṃ suraistathā - [Previous: 19.3-2](https://indike.org/pramana/in.niti.dharma.nibandha.nirnaya.nirnayasindhu.19.3-2) - [Next: 20.2](https://indike.org/pramana/in.niti.dharma.nibandha.nirnaya.nirnayasindhu.20.2) - [Up: 19](https://indike.org/pramana/in.niti.dharma.nibandha.nirnaya.nirnayasindhu.19) ## Linked texts (1) - [Vidhānamālā (Nṛsiṃha)](https://indike.org/pramana/in.niti.dharma.prayoga.sarvaprayoga.vidhanamala.41.70) — Nṛsiṃha, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.19.9](https://indike.org/pramana/in.niti.dharma.nibandha.nirnaya.nirnayasindhu.19.9) · Pramāṇa