[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 21.6-3 # Nirnayasindhu 21.6-3 Nirṇayasindhu 21.6-3 - **Language:** Sanskrit ### [21.6-3](https://indike.org/pramana/in.niti.dharma.nibandha.nirnaya.nirnayasindhu.21.6-3) atha viṣṇudharmottoktā mantrāḥ chatrasya-“yathāmbudaśchādayati śivāyaimāṃ vasundharām | tathācchādaya rājānaṃ vijayārogyavṛddhaye || ” cāmarasya-“śaśāṅkakarasaṃkāśa kṣīraḍiṇḍīrapāṇḍura | protsārayāśu duritaṃ cāmarāmaradurlabha” || aśvānāṃ vṛddhayarthaṃ revantapūjanamahaṃ kariṣye | “ sūryyaputra mahābāho chāyāhṛdayanaṃdana | śāṃtiṃ kuru turaṃgāṇāṃ revantāya namonamaḥ || ” anena mantreṇa pūjā athāśvasya-“ gandharvakulajātastvaṃ mā bhūyāḥ kuladūṣakaḥ | brahmaṇaḥ satyavākyena somasya varuṇasya ca || prabhāvācca hutāśasya vardhaya tvaṃ turaṃgamān | tejasā caiva sūryyasya munīnāṃ tapasā tathā | rudrasya brahmacaryeṇa pavanasya balena ca | smara tvaṃ rājaputraṃ tvaṃ kaustubhaṃ ca maṇiṃ smara || yāṃ gatiṃ brahmahā gacchenmātṛhā pitṛhā tathā | bhrūṇahā'nṛtavādī ca kṣatriyaśca parāṅmukhaḥ || sūryācandramasau vāyuryāvatpaśyanti duṣkṛtam | vrajāśva tāṃ gatiṃ kṣipraṃ tacca pāpaṃ bhavettava || niṣkṛto yadi gacchethā yuddhādhvani turaṃgama | ripūnvijitya samare saha bhartrā sukhī bhava ” - [Previous: 21.9](https://indike.org/pramana/in.niti.dharma.nibandha.nirnaya.nirnayasindhu.21.9) - [Next: 21.3-3](https://indike.org/pramana/in.niti.dharma.nibandha.nirnaya.nirnayasindhu.21.3-3) - [Up: 21](https://indike.org/pramana/in.niti.dharma.nibandha.nirnaya.nirnayasindhu.21) --- Source: [https://indike.org/pramana/in.niti.dharma.nibandha.nirnaya.nirnayasindhu.21.6-3](https://indike.org/pramana/in.niti.dharma.nibandha.nirnaya.nirnayasindhu.21.6-3) · Pramāṇa