[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 25.2-5 # Nirnayasindhu 25.2-5 Nirṇayasindhu 25.2-5 - **Language:** Sanskrit ### [25.2-5](https://indike.org/pramana/in.niti.dharma.nibandha.nirnaya.nirnayasindhu.25.2-5) iti kārttikaśuklakādaśyāṃ bhīṣmapaṃcakam kārttikaśuklaikādaśyāṃ bhīṣmapañcakavratamuktam nāradīye-“ ato naraiḥ prayatnena kartavyaṃ bhīṣmapaṃcakam | kārttikasyāmale pakṣe snātvā samyagyatavrataḥ | ekādaśyāṃ tu gṛhṇīyādvrataṃ pañcadinātmakam" iti || tadvidhistu gomayena snātvā maunī pañcāmṛtaiḥ pañcagavyairviṣṇuṃ saṃsnāpya saṃpūjya pāyasaṃ nivedya dvādaśākṣaramaṣṭottaraśataṃ japtvā | 'oṃ namo viṣṇave' iti ṣaḍakṣareṇa ghṛtāktān yavān vrīhīṃścāṣṭottaraśataṃ hutvā bhūmau svapet | evaṃ paṃcadineṣu kuryāt viśeṣastvādyehni hareḥ pādau kamalaiḥ saṃpūjya trirgomaya prāśyam | dvitīyehni bilvapatrairjānunī saṃpūjya gomūtram | trayodaśyāṃ bhṛṅgarājena nābhiṃ saṃpūjya kṣīram | caturdaśyāṃ karavīraiḥ skaṃdha saṃpūjya dadhi | paurṇamāsyāṃ homānte lauhīṃ pāpapratimāṃ khaṅgacakrahastāṃ kṛṣṇa vastreṇa veṣṭitāṃ prasthatiloparisthāṃ kṛtvā dharmarājanāmabhiḥ karavīraiḥ saṃpūjya | "yadanyajanmani kṛtamiha janmani vā punaḥ | tatsarvaṃ praśamaṃ yātu matpāpaṃ tava pūjanāt" iti puṣpāñjaliṃ kṣiptvā | kṛṣṇapratimāṃ ca saṃpūjya, viprāya dattvā, viprān saṃbhojya, dakṣiṇāṃ dattvā, pañcagavyaṃ prāśya, paurṇamāsyāṃ naktaṃ bhuṃjīteti laghunāradīye || pañcagavyaprāśanaṃ ṣaḍakṣareṇeti hemādriḥ | hemādrau bhaviṣye tu śākairmundyannairvā pañcāhaṃ vartanamuktam | antepyuktaṃ " yadbhīṣmapaṃcakamiti prathitaṃ pṛthivyāmekādaśīprabhṛtipañcadaśīniruddham || munyannabhojanaparasya narasya tasminniṣṭaṃ phalaṃ diśati pāṇḍava śārṅgadhanvā " iti || tathā pādme- “pañcāhaṃ pañcagavyāśī bhīṣmāyārghyaṃ ca pañcasu | ahaḥsvapi tathā dadyānmantreṇānena suvrata || satyavratāya śucaye gāṅgeyāya mahātmane | bhīṣmāyaitaddadāmyarghyamājanmabrahmacāriṇe || vaiyyāghrapadyagotrāya " - [Previous: 25.2-4](https://indike.org/pramana/in.niti.dharma.nibandha.nirnaya.nirnayasindhu.25.2-4) - [Next: 25.5](https://indike.org/pramana/in.niti.dharma.nibandha.nirnaya.nirnayasindhu.25.5) - [Up: 25](https://indike.org/pramana/in.niti.dharma.nibandha.nirnaya.nirnayasindhu.25) ## Linked texts (1) - [Skandamahāpurāṇa (vulgate)](https://indike.org/pramana/in.purana.skanda*vulgate.2.4.32.20) — Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.25.2-5](https://indike.org/pramana/in.niti.dharma.nibandha.nirnaya.nirnayasindhu.25.2-5) · Pramāṇa