[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 29.3-2 # Nirnayasindhu 29.3-2 Nirṇayasindhu 29.3-2 - **Language:** Sanskrit ### [29.3-2](https://indike.org/pramana/in.niti.dharma.nibandha.nirnaya.nirnayasindhu.29.3-2) ” bṛhaspatiḥ“caturthe māsi ṣaṣṭhe vāpyaṣṭame garbhiṇī yadā | yātrā nityaṃ vivarjyā syādaṣāḍhe tu viśeṣataḥ ||” yājñavalkyaḥ-“daurhṛdasyāpradānena garbho doṣamavāpnuyāt | vairupyaṃ maraṇaṃ vāpi tasmātkāryaṃ priyaṃ striyāḥ ||” daurhṛdaṃ garbhiṇīpriyam tatraivāśvalāyanaḥ-“vapanaṃ maithunaṃ tīrthaṃ varjayedgarbhiṇīpatiḥ | śrāddhaṃ ca saptamānmāsādūrdhvaṃ cānyatra vedavit ||” śrāddhaṃ tadbhojanamiti prayogapārijātaḥ || kālavidhāne muhūrttadīpikāyāṃ ca-“kṣauraṃ śavānugamanaṃ nakhakṛntanaṃ ca yuddhādi vāstukaraṇaṃ tvatidūrayānam | udvāhamaupanayanaṃ jaladheśca gāhamāyuḥkṣayārthamiti garbhiṇikāpatīnām ||” ratnasaṃgrahe gālavaḥ“dahanaṃ vapanaṃ caiva caulaṃ vai girirohaṇam | nāva ārohaṇaṃ caiva varjayedgarbhiṇīpatiḥ avyaktagarbhāpatirabdhidyānaṃ mṛtasya vāhaṃ kṣurakarmasaṅgam | tasyāṃ tu yatnena gayāditīrthaṃ yāgādikaṃ vāstuvidhiṃ na kuryāt || avyaktagarbhā vanitā bhavenmāsatrayātparam | ṣaṇmāsātparataḥ sūtirnavameriṣṭavāsinī || 3||” sūtikāgṛhapraveśaḥ atha sūtikāgṛhapraveśaḥ|| gargaḥ- “rohiṇyaindavapauṣṇeṣu svātīvaruṇayorapi | punarvasau puṣyahastadhaniṣṭhā'bhyuttarāsu ca || maitre tvāṣṭre tathāśvinyāṃ sūtikāgāraveśanam ||” etacca saṃbhave ‘prasūtisamaye kāle sadya eva praveśayet’ iti vasiṣṭhokteḥ || tacca nairṛtyāṃ kāryam ‘vāruṇyāṃ bhojanagṛhaṃ nairṛtyāṃ sūtikāgṛham’ iti vasiṣṭhokteḥ || viṣṇudharme- “daśāhaṃ sūtikāgāramāyudhaiśca viśeṣataḥ | vahninā tindukālātaiḥ pūrṇakumbhaiḥ pradīpaikaiḥ || musalena tathā vārivarṇakaiścitritena ca” iti jātakarmanirṇayaḥ atha jātakarma | pārijāte vasiṣṭhaḥ-‘śrutvā jātaṃ pitā putraṃ sacailaṃ snānamācaret’ manuḥ- ‘prāṅnābhivardhanātpuṃso jātakarma vidhīyate |’ varddhanaṃ chedanam | hemādrau vaijavāpaḥ“janmano'nantaraṃ kārya jātakarma yathāvidhi | daivādatītakālaṃ cedatīte sūtake bhavet ||” pṛthvīcandrodaye viṣṇudharme || ‘acchinnanābhi kartavyaṃ śrāddhaṃ vai putrajanmani ||’ putrapadena kanyāpi gṛhyate || tadāha tatraiva | kārṣṇājiniḥ- “prādurbhāve putraputryorgrahaṇe candrasūryayoḥ strātvā'nantaramātmīyānpitṝñchrāddhena tarpayet ||” etacca rātrāvapi kāryam-‘putrajanmani yātrāyāṃ śarvaryāṃ dattamakṣayam’ itiḥ tatraiva vyāsokteḥ || vaijavāpaḥ- “jātamātrakumārasya jātakarma vidhīyate | stanaprāśanataḥ pūrvaṃ nābhikartanatopi vā ||” etena naimittikamapīdaṃ jāteṣṭivadāśaucānte kāryamiti śaṅkā parāstā || ‘jāte kumāre pitṝṇāmāmodātpuṇyaṃ tadahaḥ’ iti hārītokteśca atra śrāddhamāmena hemnā vā kāryamityuktaṃ pṛthvīcandrodaye ādityapurāṇe || 'jātaśrāddhe tu pakvānnaṃ na dadyādbrāhmaṇeṣvapi' iti || hemādristu-“putrajanmani kurvīta śrāddhaṃ hemnaiva buddhimān | na pakvena na cāmena kalyāṇānyabhikāmayan" iti saṃvartokterhemnaivetyāha etacca jananāśauce maraṇāśauce ca kāryamityāha mitākṣarāyāṃ prajāpatiḥ-“āśauce tu samutpanne putrajanma yadā bhavet | kartustātkālikī śuddhiḥ pūrvāśaucena śuddhyati ||” kecittu--“mṛtāśaucasya madhye tu putrajanma yadā bhavet | āśaucāpagame kāryaṃ jātakarma yathāvidhi” iti smṛtisaṃgrahokterāśaucānte kāryamityāhuḥ || smṛtyarthasārepi vikalpa uktaḥ--“mṛdudhruvacarakṣiprameṣveṣāsudayeṣu ca | gurau śukrethavā kendre jātakarma ca nāma cā|" mṛdvādilakṣaṇamāha śrīdharaḥ-“rohiṇyuttarabhaṃ sthiraṃ giriśamūlendroragā dāruṇaṃ kṣipraṃ cāśvidineśapuṣyamanalendrāgnī tu sādhāraṇam | ugraṃ pūrvamadhāntakaṃ mṛdugati tvāṣṭrāntyamaitraṃ caraṃ viṣṇusvātiśatoḍuvasvaditayaḥ kuryuḥ svasaṃjñāphalam ||" atra sarvatra jātakarma nāmakarmādāvuktakālātikrame nakṣatrādikaṃ jñeyam | “deśakālopaghātādyaiḥ kālātikramaṇaṃ yadi anastagejyendusite tatkāryaṃ cottarāyaṇe ||” iti | madanaratne nāradokteḥ || bṛhaspatirapi--“mukhyālābhe vidhijñena vidhiborderścintyo'pramādataḥ | nakṣatratithilagnānāṃ vicāryaivaṃ punaḥ punaḥ” || sūtake sandhyādau viśeṣaṃ vakṣyāmaḥ atha janmani duṣṭakālāḥ tatra gaṇḍāntaḥ | jyotirnibandhe nāradaḥ-“pūrṇānandākhyayostithyoḥ saṃdhināḍīdvayaṃntathā | gaṇḍāntaṃ mṛtyudaṃ janmayātrodvāhavratādiṣu || kulīrasiṃhayoḥ kīṭacāpayomīnameṣayoḥ | gaṇḍāntamantarālaṃ syāddhaṭikārdhaṃ mṛtipradam || sārpendrapauṣṇabheṣvantyaṣoḍaśāṃśabhasaṃdhayaḥ | tadagrabheṣvadyapādāṃ bhānāṃ gaṇḍāntasaṃjñakāḥ - [Previous: 29.2-3](https://indike.org/pramana/in.niti.dharma.nibandha.nirnaya.nirnayasindhu.29.2-3) - [Next: 29.3-3](https://indike.org/pramana/in.niti.dharma.nibandha.nirnaya.nirnayasindhu.29.3-3) - [Up: 29](https://indike.org/pramana/in.niti.dharma.nibandha.nirnaya.nirnayasindhu.29) ## Linked texts (9) - [Nāradapurāṇa](https://indike.org/pramana/in.purana.narada.1.56.328) — Vyāsa, Sanskrit - [Nāradasaṃhitā](https://indike.org/pramana/in.art.sangita.prachina.naradasamhita.136_863) — Nārada, Sanskrit - [Hārītadharmasūtra (fragments)](https://indike.org/pramana/in.vedanga.kalpa.dharma.harita*fragments.4.4) — Sanskrit - [Kārṣṇājinismṛti (fragments)](https://indike.org/pramana/in.niti.dharma.uddhrta.karsnajinismrti*fragments.1.7) — Sanskrit - [Gālavasmṛti (fragments)](https://indike.org/pramana/in.niti.dharma.uddhrta.galavasmrti*fragments.1.4) — Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.1.p312) — Lakṣmīdhara Bhaṭṭa, Sanskrit - [Bārhaspatyasaṃhitā (Aṅgiras)](https://indike.org/pramana/in.astro.samhita.rsi.barhaspatyasamhita.29.67) — Aṅgiras, Sanskrit - [Jyotirnibandha (ed. Raṅganātha Śāstrī Vaidya)](https://indike.org/pramana/in.niti.dharma.kala.jyotisa.jyotirnibandha*vaidya1919.116.8) — Sanskrit - [Bṛhajjyotiṣasāra](https://indike.org/pramana/in.astro.samhita.brhajjyotisasara.14.1-21) — Bhavānī Śaṃkara, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.29.3-2](https://indike.org/pramana/in.niti.dharma.nibandha.nirnaya.nirnayasindhu.29.3-2) · Pramāṇa