[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 30.13 # Nirnayasindhu 30.13 Nirṇayasindhu 30.13 - **Language:** Sanskrit ### [30.13](https://indike.org/pramana/in.niti.dharma.nibandha.nirnaya.nirnayasindhu.30.13) ” uparidaṃtajanane nirṇayaḥ brāhme-“upari prathamaṃ yasya jāyante ca śiśordvijāḥ| dantairvā saha yasya syājjanma bhārgavasattama || dvitīye ca tṛtīye ca caturthe pañcame tathā | yadā dantāśca jāyante māse caiva mahadbhayam || mātaraṃ pitaraṃ vātha khādedātmānameva ca | gajapṛṣṭhagataṃ bālaṃ nausthaṃ vā sthāpayedvija || tadabhāve tu dharmajña kāñcane vā varāsane | sarvauṣadhaiḥ sarvagandhairbījaiḥpuṣpaiḥ phalaistataḥ || pañcagavyena ratnaiśca patākābhiśca bhārgava | sthālīpākena dhātāraṃ pūjayettadanantaram || saptāhaṃ cātra kartavyaṃ tathā brāhmaṇabhojanam | bhadrāsane niveśyainaṃ mṛdbhirmūlaiḥ phalaistathā || sarvauṣadhaiḥ sarvagandhaiḥ sarvabījaistathaiva ca | snāpayetpūjayeccātra vahniṃ somaṃ samīraṇam parvatāṃśca tathārakhyātāndevādevaṃ ca keśavam | eteṣāmeva juhuyāddhṛtamagnau yathāvidhi || brāhmaṇānāṃ tu dātavyā tataḥ saṃpūjya dakṣiṇā || aṣṭame'hani viprāṇāṃ tathā deyātra dakṣiṇā | kāñcanaṃ rajataṃ gāśca bhuvaṃ vā dhanameva ca || dantānāmaṣṭame māsi ṣaṣṭhe māsi tataḥ punaḥ || dantā yasya ca jāyante mātā vā mriyate pitā | bālako mriyate tatra svayameva na saṃśayaḥ | dadhikṣaudraṃ ghṛtāktānāmaśvatthasamidhāṃ tathā || juhuyādaṣṭottaraśataṃ samaṃtreṇa tu mantravit | dhenuṃ ca dakṣiṇāṃ dadyāttataḥ sampadyate sukham” || jyotirnibandhe tu aṣṭame śubhamityuktam | aṣṭamādiṣu tūtthānaṃ śubhāvahamityatadguṇasaṃvijñānabahuvrīhiṇā vā navamāsādigrahaṇam - [Previous: 30.4-2](https://indike.org/pramana/in.niti.dharma.nibandha.nirnaya.nirnayasindhu.30.4-2) - [Next: 31.2](https://indike.org/pramana/in.niti.dharma.nibandha.nirnaya.nirnayasindhu.31.2) - [Up: 30](https://indike.org/pramana/in.niti.dharma.nibandha.nirnaya.nirnayasindhu.30) ## Linked texts (1) - [Mānavaśrautasūtra](https://indike.org/pramana/in.vedanga.kalpa.srauta.manava.11.5.3e) — Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.30.13](https://indike.org/pramana/in.niti.dharma.nibandha.nirnaya.nirnayasindhu.30.13) · Pramāṇa