[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 40.2-3 # Nirnayasindhu 40.2-3 Nirṇayasindhu 40.2-3 - **Language:** Sanskrit ### [40.2-3](https://indike.org/pramana/in.niti.dharma.nibandha.nirnaya.nirnayasindhu.40.2-3) ” jyotirnibandhe kātyāyanaḥ-“kule ṛtutrayādarvāṅ muṇḍanānna tu maṇḍanam | praveśānnirgamo neṣṭo na kuryānmaṅgalatrayam || kurvanti munayaḥ kecidanyasminvatsare laghu || laghu vā guru vā kārya prāptaṃ naimittikaṃ tu yat || putrodvāhaḥ praveśākhyaḥ kanyodvāhastu nirgamaḥ muṇḍanaṃ caulamityuktaṃ vratodvāhau tu maṅgalam || caulaṃ muṇḍanamevoktaṃ varjayenmaḍanātaparam mauñjī cobhayataḥ kāryā yato mauñjī na muṇḍanam || abhinnavatsarepi syāttadahastatra bhedayet | abhede tu vināśaḥ syānna kuryādekamaṇḍape saṃkaṭe tu kapardikārikāsu varāhamihiraśca-“udvāhya putrīṃ na pitā vidadhyātputryantarasyodvahanaṃ kadācit | yāvaccaturthaṃ dinamatra pūrva samāpya cānyodvahanaṃ vidadhyāt ||” kaśyapaḥ“mauñjībandhastathodvāhaḥ ṣaṇmāsābhyantarepi vā | putryudvāhaṃ na kurvīta vibhaktānāṃ na doṣakṛt ||” jyotirnibandhe-“vivāhamārabhya caturthimadhye śrāddhaṃ dinaṃ darśadinaṃ yadi syāt | vaidhavyamāpnoti tadāśu kanyā jīvetpatiścedanapatyatā syāt || tathā-“vivāhamadhye yadi cetkṣayāhastatra svamukhyāḥ pitaro na yānti | vṛtte vivāhe paratastu kuryācchrāddhaṃ svadhābhirnanu dūṣayanti ||” ‘svadhābhiḥ’ iti śruteśca māsikaviṣaye kālahemādrau śāṭhyāyane-“pretaśrāddhāni sarvāṇi sapiṇḍīkaraṇaṃ tathā apakṛṣyāpi kurvīta kartunāndīmukhaṃ dvijaḥ ||” vṛddhiṃ vināpakarṣe doṣamāha tatraivośanāḥ“vṛddhiśrāddhavihīnastu pretaśrāddhāni yaścaret | sa śrāddhī narake ghore pitṛbhiḥ saha majjati” iti || medhātithiḥ-“pretakarmāṇyanirvartya carennābhyudayakriyām | ācaturthe tataḥ puṃsi pañcame śubhadaṃ bhavet ||” smṛtyantare-“sapiṇḍīkaraṇādarvāgapakṛṣya kṛtānyapi | punarapyapakṛṣyante vṛddhadyuttaraniṣedhanāt ||” smṛtisārātavalyām-“bhrātṛyuge svasṛyuge bhrātṛsvasṛyuge tathā | ekasminmaṇḍape caiva na kuryānmaṇḍanadvayam ||” sodaraviṣayametat || yamaḥ-“ekodaraprasūtānāmekasmin vāsare punaḥ | vivāhaṃ naiva kurvīta maṇḍanopari muṇḍanam ||” gārgyaḥ-“bhrātṛyuge svasṛyuge bhrātṛsvasṛyuge tathā | na kuryānmaṅgalaṃ kiṃcidekasminmaṇḍapehani || ekasminvāsare prāpte kuryādyamalajātayoḥ | kṣauraṃ caiva vivāhaṃ ca mauñjībandhanameva ca - [Previous: 40.2-2](https://indike.org/pramana/in.niti.dharma.nibandha.nirnaya.nirnayasindhu.40.2-2) - [Next: 40.2-4](https://indike.org/pramana/in.niti.dharma.nibandha.nirnaya.nirnayasindhu.40.2-4) - [Up: 40](https://indike.org/pramana/in.niti.dharma.nibandha.nirnaya.nirnayasindhu.40) ## Linked texts (3) - [Vārāhītantra](https://indike.org/pramana/in.sampradaya.general.sakta.varahitantra.33.134) — Sanskrit - [Jyotirnibandha (ed. Raṅganātha Śāstrī Vaidya)](https://indike.org/pramana/in.niti.dharma.kala.jyotisa.jyotirnibandha*vaidya1919.173.9) — Sanskrit - [Daśanirṇaya](https://indike.org/pramana/in.niti.dharma.nibandha.nirnaya.dasanirnaya.11.p125) — Veṅkaṭanātha Vaidikasārvabhauma, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.40.2-3](https://indike.org/pramana/in.niti.dharma.nibandha.nirnaya.nirnayasindhu.40.2-3) · Pramāṇa