[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 46.2-3 # Nirnayasindhu 46.2-3 Nirṇayasindhu 46.2-3 - **Language:** Sanskrit ### [46.2-3](https://indike.org/pramana/in.niti.dharma.nibandha.nirnaya.nirnayasindhu.46.2-3) " iti || tato navāṃ mūrtiṃ liṅgaṃ vā kṛtoktavidhinā sthāpayet || mūlaṃ tvagnipurāṇe spaṣṭam || iti jīrṇoddhāraḥ atha tulasīgrahaṇam devayājñikakṛte smṛtisāre-“vaidhṛtau ca vyatīpāte bhaumabhārgavabhānuṣu | parvadvaye ca saṃkrāntau dvādaśyāṃ sūtakadvaye || tulasīṃ ye vicinvanti te chindanti hareḥ śiraḥ ||" viṣṇudharmottare-"ravivāraṃ vinā dūrvāṃ tulasīṃ dvādaśīṃ vinā || jīvitasya vināśāya pravicinvīta dharmavit ||" tathā-“saṃkrāntāvarkapakṣānte dvādaśyāṃ niśisandhyayoḥ | yaiśchinnaṃ tulasīpatraṃ taiśchinnaṃ harimastakam ||" pādme-“dvādaśyāṃ tulasīpatraṃ dhātrīpatraṃ ca kāttike | lunāti sa naro gacchedannirayānatigarhitān ||" rudrayāmale-“dvādaśyāṃ ca divāsvāpastulasyavacayastathā | viṣṇoścaiva divāsnānaṃ varjanīyaṃ sadā budhaiḥ ||" viṣṇudharme-“na chindyāttulasīṃ vipro dvādaśyāṃ vaiṣṇavaḥ kacit | devārthe tulasīcchedo homārthe samidhāṃ tathā || indukṣaye na duṣyeta gavārthe tṛṇasya ca ||" grahaṇamantrastu pādme-“tulasyamṛtajanmāsi sadā tvaṃ keśavapriye | keśavārthaṃ vicinvāmi varadā bhava śobhane" iti atha puṣpādeḥ paryuṣitatvam pārijāte dakṣaḥ-‘samitpuṣpakuśādīnāṃ dvitīyaḥ praharo mataḥ ||' bhārgavārcane bhaviṣye“praharaṃ tiṣṭhate jātī karavīramaharniśam | tulasyāṃ vilvapatreṣu sarveṣu jalajeṣu ca || na paryuṣitadoṣo'sti mālākāragṛhepi ca ||” bṛhannāradīye-“varjyaṃ paryuṣitaṃ puṣpaṃ varjya paryuṣitaṃ jalam || na varjyaṃ tulasīpatraṃ na varjyaṃ jāhnavījalam ||” tatraiva pādme-“tulasī paryuṣitā naiva vilvaṃ tu tridināvadhi | padmaṃ pañcadināttyājyaṃ śeṣaṃ paryuṣitaṃ viduḥ” skānde-“pālāśaṃ dinamekaṃ tu paṃkajaṃ ca dinatrayam | pañcāhaṃ vilvapatraṃ ca daśāhaṃ tulasīdalam ||” padārthādarśa bopadevastvanyathāha-“vilvāpāmārgajātītulasiśamiśatāketakībhṛṅgadūrvāmandāmbhojā hi darbhā munitilatagarabrahmakahāramallyaḥ | campāśvārātikumbhīdmanamaruvakābilvatohāniśastāṃstriṃśa 30 trye 3 kā 1 ye 6 rī 6 śo 11 dadhi 4 nidhi 9 vasu 8 bhū 1 bhū 1 yamā 2 bhūya evam ||” asyārthaḥ-śatā śatāvarī | mandaḥ mandāraḥ | ahirnāgakeśaraḥ | muniragastyaḥ | aśvārātiḥ karavīraḥ | kumbhīpāṭaleti kaidevanighaṇṭuḥ || arayaḥ ṣaṭ | īśā ekādaśa | udadhayaścatvāraḥ | nidhayo nava | vasavo'ṣṭau bhūḥ ekaḥ | yamau dvau | vilvamārabhyā'hiparyantaṃ gaṇayitvā darbhamārabhya punastriṃśadādigaṇayedityarthaḥ || etaddinottaraṃ paryuṣitānītyarthaḥ ṭoḍarānande skānde damanamupakramya- "tasya mālā bhagavataḥ paramaprītikāriṇī | śuṣkāparyuṣitā vāpi na duṣṭā bhavati kvacit ||" tithitattve mātsye- "vilvapatraṃ ca māghyaṃ ca tamālāmalakīdale | kahlāraṃ tulasīṃ caiva padmaṃ ca munipuṣpakam || etatparyuṣitaṃ na syātkuśāśca kalikāstathā ||” smṛtisārāvalyām- "jalajānāṃ ca sarveṣāṃ patrāṇāmahatasya ca kuśapuṣpasya rajatasuvarṇakṛtayorapi || na paryuṣitadoṣosti tīrthatoyasya caiva hi | mukulairnārcayeddevaṃ paṃkajairjalajairvinā - [Previous: 46.2-2](https://indike.org/pramana/in.niti.dharma.nibandha.nirnaya.nirnayasindhu.46.2-2) - [Next: 46.7](https://indike.org/pramana/in.niti.dharma.nibandha.nirnaya.nirnayasindhu.46.7) - [Up: 46](https://indike.org/pramana/in.niti.dharma.nibandha.nirnaya.nirnayasindhu.46) ## Linked texts (3) - [Ācāraratna (Maṇirāma)](https://indike.org/pramana/in.niti.dharma.acara.bhatta.acararatna.15.167) — Maṇirāma 1630, Sanskrit - [Anūpavilāsa](https://indike.org/pramana/in.niti.dharma.nibandha.mahanibandha.anupavilasa.15.167) — Maṇirāma 1665, Sanskrit - [Ācārabhūṣaṇa](https://indike.org/pramana/in.niti.dharma.acara.acarabhusana.16.p1.3) — Tryambaka rāma oka 1794, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.46.2-3](https://indike.org/pramana/in.niti.dharma.nibandha.nirnaya.nirnayasindhu.46.2-3) · Pramāṇa