[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 51.2 # Nirnayasindhu 51.2 Nirṇayasindhu 51.2 - **Language:** Sanskrit ### [51.2](https://indike.org/pramana/in.niti.dharma.nibandha.nirnaya.nirnayasindhu.51.2) nānānibandhavaimatyabhrāntaṃcittoddidhīrṣayā kamalākarasaṃjñena kriyate śrāddhanirṇayaḥ tatsvarūpamāha pṛthvīcandrodaye marīciḥ- “pretaṃ pitṝṃśca nirdiśya bhojyaṃ yat priyamātmanaḥ śraddhayā dīyate yatra tacchrāddhaṃ parikīrtitam ||” brāhmaṇasvīkārāntaśruturthyantapadopanītāpitrādyuddeśakastyāgaḥ śrāddhamityarthaḥ || tatra yadyapi homapiṇḍabhojanāni pradhānamiti hemādriḥ || “homaśca piṇḍadānaṃ ca tathā brāhmaṇabhojanam | śrāddhaśabdābhidheyaṃ syādekasminnaupacārikam” iti śrīdharaśca || tathāpi kacidviśeṣaṃ vakṣyāmaḥ || nimittabheda bhojanasya piṇḍānāṃ vā niṣedho na prādhānyaṃ viruṇaddhi | asomayājino dadhipayoyāgavat || yacca śūlapāṇiḥ- ‘nityaśrāddhamadaivaṃ syādarghyapiṇḍavivarjitam’ iti || hārītīye nityaśrāddhamaghādau piṇḍaniṣedhosti na ca prāptiṃ vinā saḥ | na cātideśaṃ vinā prāptiḥ na cāṃgatvena vinātideśaḥ | pradhānasyānatideśāt “nāndīmukhānāṃ pratyabdaṃ kanyārāśigate ravau | paurṇamāsyāṃ prakartavyaṃ varāhavacanaṃ yathā ||” paurṇamāsyāṃ śrāddhaṃ vihitaṃ tatra nāndīmukhāḥ ke ityākāṃkṣāyāṃ brāhme-“pitā pitāmahaścaiva tathaiva prapitāmahaḥ | trayo hyaśrumukhā hyete pitaraḥ samprakīrttitāḥ || tebhyaḥ pūrvatarā ye ca prajāvantaḥ sukhaidhitāḥ | te tu nāndīmukhā nāndīsamṛddhiriti kathyate” - [Previous: 50.5.p1.4](https://indike.org/pramana/in.niti.dharma.nibandha.nirnaya.nirnayasindhu.50.5.p1.4) - [Next: 51.2-2](https://indike.org/pramana/in.niti.dharma.nibandha.nirnaya.nirnayasindhu.51.2-2) - [Up: 51](https://indike.org/pramana/in.niti.dharma.nibandha.nirnaya.nirnayasindhu.51) ## Linked texts (4) - [Varāhapurāṇa](https://indike.org/pramana/in.purana.varaha.34.6) — Vyāsa, Sanskrit - [Marīcismṛti (fragments)](https://indike.org/pramana/in.niti.dharma.uddhrta.maricismrti*fragments.1.21) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.23.17) — Sanskrit - [Śrāddhapradīpa (Madanamonohara Mahāmahopādhyāya)](https://indike.org/pramana/in.niti.dharma.sraddha.sraddhapradipa-madanamonohara-mahamahopadhyaya.2.p37) — Madanamonohara Mahāmahopādhyāya, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.51.2](https://indike.org/pramana/in.niti.dharma.nibandha.nirnaya.nirnayasindhu.51.2) · Pramāṇa