[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 52.2-4 # Nirnayasindhu 52.2-4 Nirṇayasindhu 52.2-4 - **Language:** Sanskrit ### [52.2-4](https://indike.org/pramana/in.niti.dharma.nibandha.nirnaya.nirnayasindhu.52.2-4) " tristhalīsetau vāyavīye- " śamīpatrapramāṇeṇa piṇḍaṃ dadyādgayāśire | uddharetsapta gotrāṇi kulamekottaraṃ śatam ||" saptagotrāṇi tu- "pitā mātā ca bhāryā ca bhaginī duhitā tathā | pitṛmātṛṣvasā caiva sapta gotrāṇi vai viduḥ ” iti || eṣāṃ gotrāṇāmekottaraśataṃ kulaṃ puruṣā ityarthaḥ | te coktāstatraiva " tattvāni viṃśati nṛpā dvādaśaikādaśādaśa aṣṭāviti ca gotrāṇāṃ kulamekottaraṃ śatam || " tattvāni caturviṃśatiḥ | te ca dvādaśa pūrvā dvādaśa parāḥ | evamagrepi prayogapārijāte pādme-‘‘śālagrāmamayī mudrā saṃsthitā yatra kutracit | vārāṇasyāṃ yavādhikyaṃ samantādyojanatrayam ||’’ tathā-‘‘yatkiṃcitpaitṛkaṃ kuryātsapiṇḍaṃ vā tadanti ke ! viṣṇulokaṃ sa gacchettu labhate śāśvataṃ padam’’|| tatraiva vārāhe-‘‘cakrāṅkasya tu sānnidhyaṃ yat karma kriyate naraiḥ | snānaṃ dānaṃ tapaḥ śrāddhaṃ sarvamakṣayatāṃ vrajet ||’’ atha niṣiddhadeśāḥ pṛthvīcandrodaye skānde-‘‘triśaṃkorvarjayeddeśaṃ sarvaṃ dvādaśayojanam | uttareṇa mahānadyā dakṣiṇena tu kīkaṭān || deśastraiśaṃkavo nāma śrāddhakarmāṇi varjitaḥ ||’’ vāyavīye-‘praṇaṣṭāśramadharmāśca deśā varjyāḥ prayatnataḥ ||’ yamaḥ-‘‘rūkṣaṃ kṛmihataṃ klinnaṃ saṃkīrṇāniṣṭagandhikam | deśaṃ tvaniṣṭaśabdaṃ ca varjayecchrāddhakarmaṇi ||’’ tatraiva śaṃkhaḥ-‘‘gogajāśvādijuṣṭeṣu kṛtrimāyāṃ tathā bhuvi | na kuryācchrāddhameteṣu pārakyāsu ca bhūmiṣu ||’’ yamaḥ-‘‘parakīyapradeśeṣu pitṝṇāṃ nirvapettu yaḥ | tadbhūmisvāmipitṛbhiḥ śrāddhakarma vihanyate’’ brāhmabhāratayorapi-‘‘parakīyagṛhe yastu svān pitṝṃstarpayedyadi | tadbhūmisvāminastasya haranti pitaro balāt || agrabhāgaṃ tatastebhyo dadyānmūlyaṃ ca jīvitam ||’’ śrāddhārhāṇāmagrabhāgaśrāddhaṃ tadanarhāṇāṃ śūdrāṇāṃ tu mūlyamiti kecit | ṣoḍaśīpiṇḍe bāndhavānāmapi piṇḍokteḥ || ‘ye'bāndhavā bāndhavā’ ityāditarpaṇabādhāpatteśca || nāmagotrapūrvakaṃ śrāddhaniṣedho nānyatreti gauḍāḥ | viprāsutasya śūdrāputraśrāddhaniṣedho nānyatra | annadānaṃ cānnatyāgātpūrvaṃ kāryamiti maithilāḥ || tanna || agrabhāgasya śrāddhaparatve mānābhāvāt annadāne ca niṣedhābhāvāt || tyāgātpūrvaṃ karaṇe'naṅgena vyavadhānāpatteḥ | aṅgatve ca mānābhāvāt | idaṃ ca svāmyanujñābhāve taduktaṃ tatraiva brāhme-“svanulipteṣu geheṣu sveṣvanujñāpiteṣu ca | śrāddhameteṣu dātavyaṃ varjyameteṣu nocyate || kirāteṣu kaliṅgeṣu koṃkaṇeṣu khaseṣvapi | sindhoruttarakūleṣu narmadāyāśca dakṣiṇe pūrveṇa karatoyāyā na deyaṃ śrāddhamucyate - [Previous: 52.2-3](https://indike.org/pramana/in.niti.dharma.nibandha.nirnaya.nirnayasindhu.52.2-3) - [Next: 52.2-5](https://indike.org/pramana/in.niti.dharma.nibandha.nirnaya.nirnayasindhu.52.2-5) - [Up: 52](https://indike.org/pramana/in.niti.dharma.nibandha.nirnaya.nirnayasindhu.52) ## Linked texts (3) - [Devalasmṛti (another edition)](https://indike.org/pramana/in.niti.dharma.upasmrti.devala*alt.4) — Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.407) — Divyasiṃha Mahāpātra 1640, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.1.p27) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.52.2-4](https://indike.org/pramana/in.niti.dharma.nibandha.nirnaya.nirnayasindhu.52.2-4) · Pramāṇa