[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 52.3-2 # Nirnayasindhu 52.3-2 Nirṇayasindhu 52.3-2 - **Language:** Sanskrit ### [52.3-2](https://indike.org/pramana/in.niti.dharma.nibandha.nirnaya.nirnayasindhu.52.3-2) ” etāḥ kṛṣṇapakṣasthā eva || mahālaye tu phalabhūmeti pṛthvīcandrodayaḥ || paurṇamāsyāṃ hemādrau pitāmahaḥ“amāvāsyāvyatīpāte paurṇamāsyaṣṭakāsu ca | vidvān śrāddhamakurvāṇo narakaṃ pratipadyate||” etanmādhyādiparam | “vrīhipāke ca kartavyaṃ yavapāke ca pārthiva | paurṇamāsī tathā māghī śrāvaṇī ca nṛpottama || prauṣṭhapadyāmatītāyāṃ tathā kṛṣṇatrayodaśī | etāṃstu śrāddhakālānvai nityānāha prajāpatiḥ || ” iti viṣṇudharmoktau viṣṇuḥ-‘māghī prauṣṭhapadyudhvaṃ kṛṣṇā trayodaśī’ iti | atra māghī paurṇamāsīti kalpataruḥ || ‘śrāvaṇyūrdhvamapi maghāyogasaṃbhavānnatrayodaśīviśeṣaṇam’ iti gauḍāḥ || nakṣatreṣvapi yājñavalkyaḥ-“svargaṃ hyapatyamojaśca śauryaṃ kṣetraṃ balaṃ tathā | putrāñchaiṣṭhyaṃ ca saubhāgyaṃ samṛddhiṃ mukhyatāṃ śubham || pravṛttacakratāṃ vāpi vāṇijyaprabhṛtīṃnapi arogitvaṃ yaśo vītaśokatāṃ paramāṃ gatim || dhanaṃ vedān bhiṣaksiddhiṃ kupyaṃ gāmapyajāvikam | aśvānāyuśca vidhivadyaḥ śrāddhaṃ samprayacchati || kṛttikādibharaṇyantaṃ sa kāmān prāpnuyādimān - [Previous: 52.3](https://indike.org/pramana/in.niti.dharma.nibandha.nirnaya.nirnayasindhu.52.3) - [Next: 52.2-7](https://indike.org/pramana/in.niti.dharma.nibandha.nirnaya.nirnayasindhu.52.2-7) - [Up: 52](https://indike.org/pramana/in.niti.dharma.nibandha.nirnaya.nirnayasindhu.52) --- Source: [https://indike.org/pramana/in.niti.dharma.nibandha.nirnaya.nirnayasindhu.52.3-2](https://indike.org/pramana/in.niti.dharma.nibandha.nirnaya.nirnayasindhu.52.3-2) · Pramāṇa