[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 53.2-2 # Nirnayasindhu 53.2-2 Nirṇayasindhu 53.2-2 - **Language:** Sanskrit ### [53.2-2.1](https://indike.org/pramana/in.niti.dharma.nibandha.nirnaya.nirnayasindhu.53.2-2.1) ” iti viṣṇupurāṇokteti prapautrānantaraṃ dattakādaya iti pṛthvīcandramadanaratnakālādarśādayaḥ || madanapārijātepyevam bopadevarudradharādayastu-'putreṣu vidyamāneṣu nānyo vai kārayetsvadhām' iti sumantūktau “pitāmahaḥ pituḥ paścātpañcatvaṃ yadi gacchati | pautreṇaikādaśāhādi kartavyaṃ śrāddhaṣoḍaśam || naitatpautreṇa kartavyaṃ putravāṃścetpitāmahaḥ || ” iti chandogapariśiṣṭe ca putraśabdasya dvādaśavidhasutaparatvāt 'pūrvābhāve paraḥ paraḥ' ityasyānanyaparatvācca dattakādyabhāve pautrādīnāmapyadhikāra ityāhuḥ || tadgauṇamukhyayoḥ sāmyāyogāddattake sati pautrasyāṃśaharatvasyāpyabhāvāpatteḥ putrapadasyaurasamātraparatvāccintyam || ata eva niṣedhādupanītapautrasattvepyanupanītaputrasyaivādhikāraḥ || 'aurasaścānupanītopi kuryāt' ityāha pṛthvīcandrodaye sumantuḥ–“śrāddhaṃ kuryādavaśyaṃ tu pramītapitṛko dvijaḥ | vratastho vāvratastho vā eka eva bhavedyadi ||” vṛddhamanuḥ-“kuryādanupanītopi śrāddhameko hi yaḥ sutaḥ | pitṛyajñāhutiṃ pāṇau juhuyādbrāhmaṇasya saḥ ||” eko mukhya aurasa ityarthaḥ manuḥ-“na hyasmin yujyate karma kiṃcidāmauñjibandhanāt | nābhivyāhārayedbrahmasvadhāninayanādṛte ||” brahma-vedaḥ || sumanturapi–“nābhivyāhārayedbrahma yāvanmauñjī nibadhyate mantrānanupanītopi paṭheddaiveka aurasaḥ || ” ayaṃ mantrapāṭhaḥ trivarṣakṛtacūḍasyaiva “anupanītopi kurvīta mantravatpitṛmedhikam | yadyasau kṛtacūḍaḥ syādyadi syācca trivatsaraḥ” iti sumantūkteḥ || yattuḥ vyāghraḥ–“kṛtacūḍastu kurvīta udakaṃ piṇḍameva ca ### [53.2-2.2](https://indike.org/pramana/in.niti.dharma.nibandha.nirnaya.nirnayasindhu.53.2-2.2) svadhākāraṃ prayuñjīta vedoccāraṃ na kārayet” iti || yacca smṛtisaṃgrahe–“kṛtacūr̤o'nupetaśca pitroḥ śrāddhaṃ samācaret | udāharetsvadhākāraṃ na tu vedākṣarāṇyasau” iti | tat prathamavarṣacūḍāviṣayamiti mādhavamadanaratnapṛthvīcandrāḥ trivarṣordhvaṃ mantravattvasya vikalpaḥ iti candrikā bopadevaśca | dattakādiparo niṣedha iti vayam madanaratne skānde-“ yajñeṣu mantravatkarma patnī kuryādyathā nṛpa | tathaurdhvadaihikaṃ karma kuryātsā dharmasaṃskṛtā ||” aśaktau tu kātyāyanaḥ-“ asaṃskṛte tu patnyā ca hyagnidānaṃ samantrakam | kartavyamitaratsarvaṃ kārayedanyameva hi ||” putraśca na janmato'dhikārī kiṃ tu varṣottaramityāha kālādarśaḥ-“caulādādyābdikādarvāṅ na kuryātpaitṛmedhikam | putraścotpattimātreṇa saṃskuryādṛṇamocanāt || pitaraṃ nāndikāccaulātpaitṛmedhena karmaṇā || ” etaccaurasasyaiva | dattakādīnāṃ tūpanītānāmevādhikāra iti kālādarśaḥ pṛthvīcandrodayepi skānde-“ pitroranupanītopi vidadhyādaurasaḥ sutaḥ | aurdhvadaihikamanye tu saṃskṛtāḥ śrāddhakāriṇaḥ ” iti || anyatrāpi-darśamahālayādāvanupanītasyādhikārosmābhiḥ pūrvamuktaḥ || prapautrābhāve dattakādaya ekādaśa putrāḥ | tadabhāve bhartuḥ patnī tasyāśca saḥ | “ aputrā śayanaṃ bhartuḥ pālayantī vrate sthitā | patnyeva dadyāttatpiṃḍaṃ kṛtsnamaṃśaṃ labheta ca ” iti vṛddhamanūkteḥ || “ bhāryāpiṇḍaṃ patirdadyādbhartre bhāryā tathaiva ca | śvaśvādeśca snuṣā caiva tadabhāve sapiṇḍakāḥ ” iti ‘ putrābhāve tu patnī syātpatnyabhāve tu sodaraḥ ’ iti ca hemādrau śaṅkhokteḥ ### [53.2-2.3](https://indike.org/pramana/in.niti.dharma.nibandha.nirnaya.nirnayasindhu.53.2-2.3) pṛthvīcandrastu-' kānīnagūḍhasahajapunarbhūtanayāśca ye | patnyabhāve vikurvyuste tvapraśastāḥ smṛtā hi te ||” iti smṛtisaṃgrahāt || patnyabhāve kānīnādaya ityāha | patyurapi sapatnīputre sati nādhikāraḥ | 'pitṛpatnyaḥ sarvā mātaraḥ” iti sumantūkteḥ “viddhyādaurasaḥ putro jananyā aurdhvadehikam | tadabhāve sapatnījaḥ kṣetrajādyāḥ smṛtāstathā || teṣāmabhāve tu patistadabhāve sapiṇḍakāḥ ” iti madanaratne kātyāyanokteśca || “ bahvīnāmekapatnīnāmeṣa eva vidhiḥ smṛtaḥ | ekā cet putriṇī tāsāṃ sarvāsāṃ piṇḍadasta sutaḥ || ” iti bṛhaspativacanācca aparārkepyevam | tena yacchuddhiviveke uktaṃ ' satyapi sapatnīputre patyurevādhikāraḥ ” iti | tannirastam | yacca tatraiva kātyāyanaḥ- 'na bhāryāyāḥ patirdadyātputrāyāṃ api kvacit |' yacca viṣṇupurāṇam- 'kuladvayepi cotsanne strībhiḥ kāryā kriyā nṛpa' iti || yacca mārkaṇḍeyapurāṇam - 'sarvābhāve striyaḥ kuryuḥ svabhartṝṇāmamantrakam ' iti || tadāsurādivi vāhoḍhāviṣayam || “dharmyairvivāhairūḍhā yā sā patnī parikīrtitā | krayakrītā tu yā nārī na sā patnyabhidhīyate || na sā daive na sā pitrye dāsīṃ tāṃ munayo viduḥ ||” itiṃ mādhavīye śātātapokteḥ yattu śuddhiratnākaraḥ śūlapāṇiśca-“aputrasya ca yā putrī sāpi piṇḍapradā bhavet | tasya piṇḍān daśaikaṃ vā ekāhenaiva nikṣipet” iti jābālokteḥ || “bharturdhanaharā patnī tāṃ vinā duhitā smṛtā | aṅgādaṅgātsaṃbhavati putravadduhitā nṛṇām” iti bṛhaspatinā ### [53.2-2.4](https://indike.org/pramana/in.niti.dharma.nibandha.nirnaya.nirnayasindhu.53.2-2.4) duhiturdhanahāritvokteśca 'putrābhāve kanyā tadabhāve sapatnīputraḥ” ityāhatuḥ | tatpūrvavirodhāt | 'māturduhitaraḥ śeṣamṛṇāttābhyaṛtenvaye' iti duhiturmātṛdhanagrāhitvena putrasya tacchrāddhānadhikārāpatteścopekṣyam | vacanaṃ tu bhrātṛputrādyabhāvāviṣayam || patnyabhāve avibhaktasya sodaraḥ | pūrvoktaśaṅkhavacanāt vibhaktasya tu duhitā dhanahāritvāt | pūrvoktajāvālivacanācca | tatrāpyūḍhānūḍhasamavāye ūḍhaiva | “duhitā putravatkuryānmātā pitrostu saṃskṛtā || āśaucamudakaṃ piṇḍamekoddiṣṭaṃ sadā tayoḥ” iti bharadvājokteḥ || tadabhāve dauhitraḥ dhanahāritvāt | “mātā pitrorupādhyāyācāryayoraurdhvadehikam | kurvanmātāmahasyāpi vratī na bhraśyate vratāt” iti candrikāyāṃ vṛddhamanūkteḥ || “yathā vratasthopi sutaḥ pituḥ kuryāt kriyāṃ nṛpa | udakyāyāṃ mahābāho dauhitropi tathārhati ” ityaparārke bhaviṣyokteśca || etaddhanahāriṇa āvaśyakaṃ nānyasyetyāha tatraiva skandaḥ-“śrāddhaṃ mātāmahānāṃ tu avaśyaṃ dhanahāriṇā | dauhitreṇārthaniṣkṛtyai kartavyaṃ pūrvamuttaram” iti || tena dauhitrotra putrīkṛta iti devayājñikoktiḥ parāstā || atra patnīdauhitrasamavāyaṃeśaparatvāt patnyeva kuryāt | dauhitrabhrātṛputrasattve vibhaktasya dauhitraḥ, avibhāge bhrātṛputraḥ | bhrātṛtatputrasattve kaniṣṭhaścet bhrātaiva | jyeṣṭhaścettatputraḥ kuryāditi dākṣiṇātyagranthāḥ hāralatādau tu "bhrāturbhrātā svayaṃ cakre tadbhāryyā cenna vidyate | tasya bhrātṛsutaścakre yasya nāsti sahodaraḥ” iti brāhmokteḥ | 'patnī kuryātsutābhāve patnyabhāve sahodaraḥ ' iti ### [53.2-2.5](https://indike.org/pramana/in.niti.dharma.nibandha.nirnaya.nirnayasindhu.53.2-2.5) kaurmānna jyeṣṭhabhrātaiva kuryānna tatputraḥ || yattu-‘nānujasya tathāgrajaḥ' iti | tat kaniṣṭhabhrātṛsattvaviṣayam || yacca manuḥ-"sarveṣāmekajātānāmekaścetputravānbhavet | sarvāṃstāṃstena putreṇa putriṇo manurabravīt” iti || tatsahodarābhāvaviṣayamityuktam | etena putratvātideśoyam | atastasmin sati ekādaśa putrāḥ pratinidhayo na kāryāḥ | sa eva piṇḍadoṃśaharaśceti atrāpi vācaspatimranuṭīkākalpataruratnākarāyaḥ parāstāḥ || 'dvādaśaputrābhāve patnīduhitaraḥ' iti yājñavalkyokteśca || tasmāddattakaputrapraśaṃsiyamiti vijñāneśvaraḥ avibhaktaviṣayaṃ vā madanaratne smṛtisaṃgrahe-“putraḥ kuryātpituḥ śrāddhaṃ patnī ca tadasannidhau | dhanahāryatha dauhitrastato bhrātā ca tatsutaḥ || bhrātroḥ sahodaro bhrātā kuryāddāhādi tatsutaḥ | tatastvasodaro bhrātā tadabhāve ca tatsutaḥ ## Linked texts (1) - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.1.p29) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.53.2-2](https://indike.org/pramana/in.niti.dharma.nibandha.nirnaya.nirnayasindhu.53.2-2) · Pramāṇa