[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 53.2-3 # Nirnayasindhu 53.2-3 Nirṇayasindhu 53.2-3 - **Language:** Sanskrit ### [53.2-3](https://indike.org/pramana/in.niti.dharma.nibandha.nirnaya.nirnayasindhu.53.2-3) " iti bhrātṛputrābhāve krameṇa pitṛsnuṣāsvasṛtatputrādayaḥ || dhanahāritvāt || bhaginītatsutayorviśeṣamāha madanaratne kātyāyanaḥ"anujā agrajā vāpi bhrātuḥ kurvīta saṃskriyām | tataḥ svasodarāstadvatkrameṇa tanayastayoḥ ||" aparārke kārṇājiniḥ-“putraḥ śiṣyo'thavā patnī pitā bhrātā snuṣā guruḥ strīhārī dhanahārī ca kuryātpiṇḍodakakriyām ||” mārkaṇḍeyapurāṇe- "putro bhrātā ca tatputraḥ patnī mātā tathā pitā| vittābhāvepi śiṣyaśca kurvīrannaurdhvadaihikam ||" tena dhanahārī etadbhinna iti kālādarśaḥ || atra pāṭhakramo na vivakṣitaḥ || pūrvavākyeṣvatha tataḥ śabdādibhiḥ śrautakramokteḥ || 'atha jihvāyā atha vakṣasaḥ' itivat || pṛthvīcandrodaye vṛddhamanuḥ- "snuṣā svastrīyatatputrajñātisaṃbandhibāndhavāḥ | putrābhāve tu kurvīransapiṇḍāntaṃ yathāvidhi ||" mārkaṇḍeyapurāṇe-"putrādyutsannabandhośca sakhāpi śvaśurasya ca | jāmātā snehavatkuryādakhilaṃ paitṛmedhikam ||" candrikāyāṃ vṛddhaśātātapaḥ- "mātulo bhāgineyaśca svastrīyo mātulasya ca | śvaśurasya guroścaiva sakhyurmātāmahasya ca || eteṣāṃ caiva bhāryāṇāṃ svasurmātuḥ pitustathā | śrāddhameṣāṃ tu karttavyamiti vedavido viduḥ - [Previous: 53.2-2.5](https://indike.org/pramana/in.niti.dharma.nibandha.nirnaya.nirnayasindhu.53.2-2.5) - [Next: 53.6](https://indike.org/pramana/in.niti.dharma.nibandha.nirnaya.nirnayasindhu.53.6) - [Up: 53](https://indike.org/pramana/in.niti.dharma.nibandha.nirnaya.nirnayasindhu.53) --- Source: [https://indike.org/pramana/in.niti.dharma.nibandha.nirnaya.nirnayasindhu.53.2-3](https://indike.org/pramana/in.niti.dharma.nibandha.nirnaya.nirnayasindhu.53.2-3) · Pramāṇa