[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 57.2-3 # Nirnayasindhu 57.2-3 Nirṇayasindhu 57.2-3 - **Language:** Sanskrit ### [57.2-3](https://indike.org/pramana/in.niti.dharma.nibandha.nirnaya.nirnayasindhu.57.2-3) ” tena ye taptamudrādividhayaste śūdraviṣayāḥ iti || pṛthvīcandrodaye- 'śivakeśavayoraṅkān śūlacakrādikān dvijaḥ | na dhārayeta matimān vaidika vartmani sthitaḥ ||” ityāśvalāyanokteśca nṛtyaṃ codarādyarthaṃ niṣiddhamiti śrīdharasvāmī anyepi niṣiddhā nibandheṣu jñeyā iti dik || atra viprāṇāṃ grāhyatvoktyaiva tadvarjyānāṃ niṣedhe siddhe punarvarjyaparigaṇanaṃ niṣiddhavarjyanirgaṇaprāptyarthamiti vijñāneśvaraḥ atha vipranimantraṇam candrikāyāṃ vārāhe-“vastraśaucādi karttavyaṃ śvaḥkarttāsmīti jānatā | sthānopalepanaṃ kṛtvā tato viprānnimantrayet || dantakāṣṭhaṃ ca visṛjedbrahmacārī śucirbhavet ||” tatraiva pracetāḥ“dakṣiṇaṃ caraṇaṃ vipraḥ savyaṃ vai kṣatriyastathā | pādāvādāya vaiśyo dvau śūdraḥ praṇatipūrvakam ||” bṛhaspatiḥ- “upavītī vrato bhūtvā devārthe tu dvijottamān | apasavyena pitrye'tha svayaṃ śiṣyothavā sutaḥ ||” pracetāḥ- “savarṇaṃ preṣayeddāsa dvijānaṃ tu nimantraṇe ||” pṛthvīcandrodaye skānde- “rājakārye niyuktasya vandhaninagrahavartinaḥ | vyasaneṣu ca sarveṣu śrāddhaṃ vipreṇa kārayet ||” candrikāyāṃ yamaḥ- “abhojyaṃ brāhmaṇasyānnaṃ vṛṣalena nimantritam | tathaiva vṛṣalasyānnaṃ brāhmaṇena nimantritam ||” tatraiva paiṭhīnasiḥ- 'sapta pañca dvau vā śrotriyānnimantrayet ||' āśvalāyanasūtrepi - 'ekaikamekaikasya dvau dvau trīṃstrīnvā vṛddhau phalabhūyastvam ||' dvāviti vṛddhiśrāddhe || gotamaḥ- 'navāvarān bhojayedayujo vā yathotsāham ||' yājñavalkyaḥ- “dvau daive prāktayaḥ pitrye udagaikaikameva vā | mātāmahānāmapyevaṃ tantraṃ vā vaiśvadaivikam ||” dīpakalikāyāṃ parāśaraḥ- “saṃpattāvarthapātrāṇāmekaikasya trayastrayaḥ | pitrāderbrāhmaṇāḥ proktāścatvāro vaiśvadevike ||” vṛddhayājñavalkyaḥ- “daśaikaṃ pañca vā viprān pārvaṇe viniyojayet ||” atra vaiśvadeve dvau caturo vopaveśya pitrādīnāmekaikasya sthāne ekaṃ trīn pañca sapta nava vopaveśaye diti niṣkṛṣṇorthaḥ || manuḥ- “dvau daive pitṛkṛtye trīnekaikamubhayatra vā bhojayetsusamṛddhopi na prasajjeta vistare || satkriyāṃ deśakālau ca śaucaṃ brāhmaṇasampadam pañcaitānvistaro hanti tasmānneheta vistaram - [Previous: 57.2-2](https://indike.org/pramana/in.niti.dharma.nibandha.nirnaya.nirnayasindhu.57.2-2) - [Next: 57.2-4](https://indike.org/pramana/in.niti.dharma.nibandha.nirnaya.nirnayasindhu.57.2-4) - [Up: 57](https://indike.org/pramana/in.niti.dharma.nibandha.nirnaya.nirnayasindhu.57) ## Linked texts (3) - [Kūrmapurāṇa](https://indike.org/pramana/in.purana.kurma.2.22.27) — Vyāsa, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.12.p21) — Devaṇṇabhaṭṭa, Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.411) — Divyasiṃha Mahāpātra 1640, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.57.2-3](https://indike.org/pramana/in.niti.dharma.nibandha.nirnaya.nirnayasindhu.57.2-3) · Pramāṇa