[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 57.2 # Nirnayasindhu 57.2 Nirṇayasindhu 57.2 - **Language:** Sanskrit ### [57.2](https://indike.org/pramana/in.niti.dharma.nibandha.nirnaya.nirnayasindhu.57.2) ” tathā-'ṛṇakartā ca yo rājan yaśca vārdhuṣiko naraḥ || ' kāṇḍapṛṣṭhaḥ-'svaśākhāṃ tyaktvā paraśākhāyopanītastaddhyāyī ca |' kṣatriyavaiśyavṛttau nāradastu-“tasyāmeva tu yo vṛttau brāhmaṇo vasate rasāt kāṇḍapṛṣṭhaicyuto mārgātso'pāṃkteyaḥ prakīrtitaḥ ||” ityāha hārītaḥ-“śūdrāputrāḥ svayaṃndattā ye caite krītakāḥ sutāḥ | te sarve manunā proktāḥ kāṇḍapṛṣṭhā na saṃśayaḥ || ” anyopi hemādrau mātsye-“ triśaṃkūn barbarānāndhrān cīnadraviḍakauṅkaṇān || karṇāṭakāṃstathābhīrān kāliṅgāṃśca vivarjayet ||” tatraiva saurapurāṇe“aṅgavaṅgakaliṅgāṃśca saurāṣṭrān gurjarāṃstathā | ābhīrān kauṅkaṇāṃścaiva drāviḍān dākṣiṇātyanān || āvantyān māgadhāṃścaiva brāhmaṇāṃstu vivarjayet ||” candrikāyāṃ yamaḥ-“kāṇāḥ kubjāśca ṣaṇḍhāśca kṛtaghnā gurutalpagāḥ | mānakūṭāstulākūṭāḥ śilpino grāmayājakāḥ || rājabhṛtyāndhavadhiramūkakhalvāṭapaṅgavaḥ | vaṇijo madhuhartāro garadā vanadāhakāḥ || samayānāṃ ca bhettāraḥ pradāne ye nivārakāḥ | pravrajyopanivṛttāśca tathā pravrajitāśca ye || yaśca pravrajitājjātaḥ pravrajyāvasitaśca yaḥ | avakīrṇī ca vīraghno gurughnaḥ pitṛdūṣakaḥ ||” śrāddhakāśikāyāṃ kātyāyanaḥ- “durbhagaḥ kīladuścarmā śuklotikapilastathā | chinnoṣṭhaśchinnaliṅgaśca naiva ketanamarhati ||” pitrorvaṃśe tripuruṣaṃ vicchinnavedāgniḥ || hemādrau marīciḥ- “aviddhakarṇaḥ kṛṣṇaśca lambakarṇastathaiva ca | varjanīyāḥ prayatnena brāhmaṇāḥ śrāddhakarmaṇi ||” brāhme- “mūkaśca pūtināsaśca chinnāṅgaśvādhikāṅguliḥ | galarogī ca gaṃḍūmān sphuṭitāṅgaśca sajvaraḥ || ṣaṇḍhatūvaramandāśca śrāddheṣvetānnivarjayet ||” lambakarṇaṃ cāha tatraiva gobhilaḥ- “hanumūlādadhaḥ karṇau lambau tu parikīrtitau | dvayaṅgulau tryaṅgulau śastāviti śātātapo'bravīt ||” candrikāyāṃ yamaḥ- 'dvyaṃgulātītakarṇasya bhuñjate pitaro na tu |' ṣaṇḍhaścātra candrikoktaḥ saptavidho grāhyaḥ || yathā- “ṣaṇḍako vātajaḥ ṣaṇḍhaḥ ṣaṇḍaḥ klībo napuṃsakaḥ | kīlakaśceti saptaivaṃ klībabhedāḥ prakīrttitāḥ ||” parāśaramādhavīye tu caturdaśavidhaḥ || teṣāṃ svarūpāṇi tatraiva jñeyāni || candrikāyāṃ śātātapaḥ-"agniṣṭomādibhiryajñairyajantyalpadakṣiṇaiḥ | teṣāmannaṃ na bhoktavyamapāṃktāste prakīrttitāḥ ||” etacca śaktau satyām aparārke bhārate-“avratī kitavaḥ stenaḥ prāṇivikrayakopi vā | paścāccetpītavān somaṃ sa niketanamarhati ||” śrāddhadīpakalikāyāṃ yamaḥ- 'apatnīkaśca varjyaḥ syātsapatnīkoṣyanāgnikaḥ' || tatraivāśvalāyanaḥ- “pratimāvikrayaṃ yo vai karoti patitastu saḥ | jīvanārthaṃ parāsthīni dhṛtvā tīrthaṃ prayāti yaḥ || mātāpitrāvinā sopi patitaḥ parikīrtitaḥ ||” tatraiva jātūkarṇyaḥ“yatra mātulajodvāhī yatra vā vṛṣalīpatiḥ | śrāddhaṃ na gacchedviprāḥ kṛtaṃ yacca nirāmiṣam || pitṛputrau bhrātarau dvau nirāgniṃ garviṇopatim | sagotrapravaraṃ caiva śrāddheṣu parivarjayet - [Previous: 56.6](https://indike.org/pramana/in.niti.dharma.nibandha.nirnaya.nirnayasindhu.56.6) - [Next: 57.2-2](https://indike.org/pramana/in.niti.dharma.nibandha.nirnaya.nirnayasindhu.57.2-2) - [Up: 57](https://indike.org/pramana/in.niti.dharma.nibandha.nirnaya.nirnayasindhu.57) ## Linked texts (15) - [Viṣṇupurāṇa (critical edition)](https://indike.org/pramana/in.purana.visnu*crit.3.15.54) — Sanskrit - [Kūrmapurāṇa](https://indike.org/pramana/in.purana.kurma.2.22.27) — Vyāsa, Sanskrit - [Śaṅkhasmṛti](https://indike.org/pramana/in.niti.dharma.upasmrti.sankhalikhita.sankha.14.25) — Sanskrit - [Devalasmṛti (fragments)](https://indike.org/pramana/in.niti.dharma.upasmrti.devala*fragments.6.8) — Sanskrit - [Marīcismṛti (fragments)](https://indike.org/pramana/in.niti.dharma.uddhrta.maricismrti*fragments.1.22) — Sanskrit - [Pracetassmṛti (fragments)](https://indike.org/pramana/in.niti.dharma.uddhrta.pracetassmrti*fragments.1.16) — Sanskrit - [Satyavratasmṛti (fragments)](https://indike.org/pramana/in.niti.dharma.uddhrta.satyavratasmrti*fragments.1.12) — Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.12.p21) — Devaṇṇabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p9) — Nīlakaṇṭha Dīkṣita 1625, Sanskrit - [Kālasāra](https://indike.org/pramana/in.astro.muhurta.kala.kalasara.18.p60) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p60) — Gadādhara (Pāraskara commentator), Sanskrit - [Nityācārapaddhati (Vidyākara vājapeyin)](https://indike.org/pramana/in.niti.dharma.acara.ahnika.nityacarapaddhati-vidyakara-vajapeyin.4.p48) — Vidyākara vājapeyin, Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.411) — Divyasiṃha Mahāpātra 1640, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p7) — Divākarabhaṭṭa 1655, Sanskrit - [Śūdrācāraśiromaṇi](https://indike.org/pramana/in.niti.dharma.acara.sudradharma.sudracarasiromani.2.p41) — Kṛṣṇaśeṣa 1520, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.57.2](https://indike.org/pramana/in.niti.dharma.nibandha.nirnaya.nirnayasindhu.57.2) · Pramāṇa