[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 57.3-2 # Nirnayasindhu 57.3-2 Nirṇayasindhu 57.3-2 - **Language:** Sanskrit ### [57.3-2](https://indike.org/pramana/in.niti.dharma.nibandha.nirnaya.nirnayasindhu.57.3-2) hemādrau-“anyāni ca pavitrāṇi kuśadūrvātmakāni ca || hemātmakapavitrasya hyekāṃ nārhanti vai kalām ||” śrāddhe havirnirṇayaḥ atha haviḥ || hemādrau pracetāḥ-“kṛṣṇamāṣāstilāścaiva śreṣṭhāḥ syuryavaśāḷayaḥ | mahāyavā vrīhiyavāstathaiva ca madhūlikāḥ || kṛṣṇāḥ śvetāśca lohāśca grāhyāḥ syuḥ śrāddhakarmaṇi ||” mahāyavā–veṇubījam | madhūlikā yāvanālā iti hemādriḥ kalpataruśca bhārate-“vardhamānatilaṃ śrāddhamakṣayyaṃ manurabravīt | sarvakāmaiḥ sa yajate yastilairyajate pitṝn ||” candrikāyāṃ devalaḥ–“iṣṭāpūrte mṛtāhe ca darśavṛddhyaṣṭakāsu ca || pātrebhyasteṣu kāleṣu deyaṃ naiva kubhojanam sāyaṇīye–“aṃgodhūmaṃ ca yacchrāddhaṃ māṣamudgavivarjitam | tailapakvena rahitaṃ kṛtamapyakṛtaṃ bhavet ||” hemādrāvatriḥ–‘agodhūmaṃ ca yacchrāddhaṃ kṛtamapyakṛtaṃ bhavet ||’ tatraiva brāhme– “yavairtrīhitilairmāṣairgodhūmaiścaṇakaistathā | saṃtarpayeta pitṝn mudraiḥ śyāmākaiḥ sarṣapadravaiḥ nīvārairhariśyāmākaiḥ priyaṃgubhirathārcayet ||” hemādrau kārṣṇājiniḥ-“yadiṣṭaṃ jīvataścāsīttaddadyāttasya yatnataḥ | sa tṛpto dustaraṃ mārgaṃ tato yāti na saṃśayaḥ ||” kalikāyāmāśvalāyanaḥ–“kadalyādiphalaiḥ śastairmūlairādrrārdrikādibhiḥ | gorasairmadhunā dadhnā śrāddhe saṃtarpayet pitṝn || kadalyāmraphalādīni śrāddhe saṃpādayetsudhīḥ hemādrau pṛthvīcandrodaye ca mārkaṇḍeyaḥ-"godhūmairīkṣubhirmudgaiḥ satīnaiśravaṇakairapi | śrāddheṣu dattaiḥ prīyante māsamekaṃ pitāmahāḥ || vidāryā ca bharuṇḍaiśca tilaiḥ śṛṅgāṭakaistathā kañcukaiśca tathā kandaiḥ karkandhūbadarairapi || pālevatairārukaiścāpyakṣoṭaiḥ panasaistathā kākolyā kṣīrakākolyā tathā piṇḍālakaiḥ śubhaiḥ || lājābhiśca sadhānābhisrapusaiścārucirbharaiḥ | sarṣapārājakācābhyāmigudai rājajambubhiḥ || priyālāmalakairmukhyaiḥ phalgubhiśca kilaṇṭakaiḥ | vetrāṃkuraistālakaṃdaiścakrikākṣīrikāvacaiḥ || locaiḥ samocairlakucaistathā vai bījapūrakaiḥ | kuṃjātakaiḥ padmaphalairbhakṣyabhojyaiśca saṃskṛtaiḥ || rāgakhāṇḍavacoṣyaiścatrijātakasamanvitaiḥ | dattaistu māsaṃ prīyante śrāddheṣu pitaro nṛṇām madanaratne kaurme-“kālaśākaṃ ca vāstūkaṃ mūlakaṃ kṛṣṇanālikā ||' praśastānīti śeṣaḥ hemādrau pṛthvīcandrodaye ca vāyupurāṇe-“kālaśākaṃ mahāśākaṃ droṇaśākaṃ tathārdrakam bilvāmalakamṛdvīkāpanasāmrātadāḍimam || cavyaṃ pālivaṭākṣoṭaṃ kharjūraṃ ca kaserukam kovidāraśca kaṃdaśca paṭolaṃ bṛhatīphalam || pippalī maricaṃ caiva elā śuṇṭhī ca saindhavam | śarkarāguḍakarpūrabadarīdroṇapatrakam” - [Previous: 57.2-10](https://indike.org/pramana/in.niti.dharma.nibandha.nirnaya.nirnayasindhu.57.2-10) - [Next: 57.5](https://indike.org/pramana/in.niti.dharma.nibandha.nirnaya.nirnayasindhu.57.5) - [Up: 57](https://indike.org/pramana/in.niti.dharma.nibandha.nirnaya.nirnayasindhu.57) ## Linked texts (9) - [Brahmapurāṇa](https://indike.org/pramana/in.purana.brahma.220.154) — Vyāsa, Sanskrit - [Pracetassmṛti (fragments)](https://indike.org/pramana/in.niti.dharma.uddhrta.pracetassmrti*fragments.1.18) — Sanskrit - [Kārṣṇājinismṛti (fragments)](https://indike.org/pramana/in.niti.dharma.uddhrta.karsnajinismrti*fragments.1.11) — Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.12.p54) — Devaṇṇabhaṭṭa, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.2.p6) — Govindānanda 1500, Sanskrit - [Kālasāra](https://indike.org/pramana/in.astro.muhurta.kala.kalasara.18.p79) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p79) — Gadādhara (Pāraskara commentator), Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.434) — Divyasiṃha Mahāpātra 1640, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p15) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.57.3-2](https://indike.org/pramana/in.niti.dharma.nibandha.nirnaya.nirnayasindhu.57.3-2) · Pramāṇa