[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 58.2-13 # Nirnayasindhu 58.2-13 Nirṇayasindhu 58.2-13 - **Language:** Sanskrit ### [58.2-13](https://indike.org/pramana/in.niti.dharma.nibandha.nirnaya.nirnayasindhu.58.2-13) ” brāhme--“yatistridaṇḍaḥ karuṇā rājataṃ pātrameva ca | dauhitraṃ kutapaḥ kālaśchāgaḥ kṛṣṇājinaṃ tathā ||” śastānīti śeṣaḥ || dauhitraṃ khaṅgapātramiti kalpataruḥ || aparārke smṛtyantare--“apatyaṃ duhituścaiva khaṅgapātraṃ tathaiva ca | ghṛtaṃ ca kapilāyā gordauhitramiti kīrtitam ||” brahmāṇḍe--“amāvāsyāgate some yā tu khādati gaustṛṇam | tasyā goryadbhavet kṣīraṃ taddauhitramudāhṛtam ||” smṛtisaṃgrahe-“ucchiṣṭaṃ śivanirmālyaṃ vāntaṃ ca mṛtakaṃrpaṭam | śrāddhe sapta pavitrāṇi dauhitraḥ kutapastilāḥ ||” ucchiṣṭaṃ vatsasya dugdhamityarthaḥ || śivanirmālyaṃ - gaṅgodakam | vāntaṃ-madhu | mṛtakaṃrpaṭaṃ-tasarīpaṭam tilanirṇayaḥ tileṣvāpastambaḥ-“aṭavyāṃ ye samutpannā akṛṣṭaphalitāstathā | te vai śrāddhe pavitrāḥ syustilāste na tilāstilāḥ ||” abhāve-grāmyāḥ || 'gaurāḥ kṛṣṇāstathāraṇyāstathaiva trividhāstilāḥ' iti brāhmokteḥ śrāddhe varjyāni atha varjyāni candrikāyām yamaḥ-“kukkuṭo viḍvarāhaśca kākaścātha viḍālakaḥ | vṛṣalīpatiśca vṛṣalaḥ ṣaṇḍho'vīrā rajasvalā || ete tu śrāddhakāle vai varjanīyāḥ prayatnataḥ khañjaḥ kāṇaḥ kuṇiḥ śvitrī dātuḥ preṣyakarastathā || nyūnāṅgopyatiriktāṅkastamapyapanayettataḥ - [Previous: 58.2-12](https://indike.org/pramana/in.niti.dharma.nibandha.nirnaya.nirnayasindhu.58.2-12) - [Next: 58.2-14](https://indike.org/pramana/in.niti.dharma.nibandha.nirnaya.nirnayasindhu.58.2-14) - [Up: 58](https://indike.org/pramana/in.niti.dharma.nibandha.nirnaya.nirnayasindhu.58) --- Source: [https://indike.org/pramana/in.niti.dharma.nibandha.nirnaya.nirnayasindhu.58.2-13](https://indike.org/pramana/in.niti.dharma.nibandha.nirnaya.nirnayasindhu.58.2-13) · Pramāṇa