[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 59.2-4 # Nirnayasindhu 59.2-4 Nirṇayasindhu 59.2-4 - **Language:** Sanskrit ### [59.2-4](https://indike.org/pramana/in.niti.dharma.nibandha.nirnaya.nirnayasindhu.59.2-4) " iti || tatsamūlatve maṇḍalāgre pṛthak jñeyam tatra gomaye hemādrau bhṛguḥ- "atyantajīrṇadehāyā vandhyāyāśca viśeṣataḥ | ārtāyā navasūtāyā na gorgomayamāharet ||" mātsye- "akṣatābhiḥ sapuṣpābhistadabhyarcyāpasavyavat | viprāṇāṃ kṣālayetpādānabhivandya punaḥpunaḥ || pratyaṅmukhaḥ sthitaḥ kuryādviprapādābhiṣecanam ||” tatraiva bhaviṣye - 'prakṣālayedviprapādān śannodevīriti tṛcā |' pṛthvīcandrodaye vṛddhavasiṣṭhaḥ- 'na kuśagranthihastastu pādyaṃ dadyādvicakṣaṇaḥ || kalikāyāṃ saṃgrahe'tataḥ prakṣālayetpādau bhāryāstrāvitavāriṇā ||" tathā - "śrāddhakāle yadā patnī vāme nīrapradā bhavet | āsuraṃ tadbhavecchrāddhaṃ pitṛṇāṃ nopatiṣṭhate ||" tatraiva - 'nādhaḥ prakṣālayetpādau kartā pitrādikarmasu ||' pādyānantaramarghyamapi dadyāditi hemādriḥ || tatraiva laugākṣiḥ- 'maṇḍalāduttare deśe dadyādācamanīyakam ||' tatraiva"vidhāya kṣālanaṃ teṣāṃ dvirācamanamiṣyate | svayaṃ cāpi dvirācāmeddvidvijjñaḥ śraddhayānvitaḥ ||" hemādrau nāradīye - "yatrācamanavārīṇi pādaprakṣālanodakaiḥ | saṃgacchante budhāḥ śrāddhamāsuraṃ tatpracakṣate ||” hemādrau vyāsaḥ- "savyenaivāsanaṃ dhṛtvā dakṣiṇe dakṣiṇaṃ karam | vyāhṛtībhiḥ samastābhirāsaneṣūpaveśayet || 'samādhvam' iti caivoktvā dakṣiṇaṃ jānu saṃspṛśan | 'āsyatām' iti tānvrūyādāsanaṃ saṃspṛśannapi - [Previous: 59.3-5](https://indike.org/pramana/in.niti.dharma.nibandha.nirnaya.nirnayasindhu.59.3-5) - [Next: 59.3-6](https://indike.org/pramana/in.niti.dharma.nibandha.nirnaya.nirnayasindhu.59.3-6) - [Up: 59](https://indike.org/pramana/in.niti.dharma.nibandha.nirnaya.nirnayasindhu.59) ## Linked texts (3) - [Matsyapurāṇa](https://indike.org/pramana/in.purana.matsya.16.28) — Vyāsa, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.14.p55) — Devaṇṇabhaṭṭa, Sanskrit - [Śrāddhamañjarī (Bāpūbhaṭṭa Kelakāra)](https://indike.org/pramana/in.niti.dharma.sraddha.sraddhamanjari.4.1.3) — Bāpūbhaṭṭa Kelakāra 1785, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.59.2-4](https://indike.org/pramana/in.niti.dharma.nibandha.nirnaya.nirnayasindhu.59.2-4) · Pramāṇa