[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 59.2-5 # Nirnayasindhu 59.2-5 Nirṇayasindhu 59.2-5 - **Language:** Sanskrit ### [59.2-5](https://indike.org/pramana/in.niti.dharma.nibandha.nirnaya.nirnayasindhu.59.2-5) tatraiva skānde-“tilā rakṣantu hyasurān darbhā rakṣantu rākṣasān | paṃktiṃ vai śrotriyo rakṣedātathiḥ sarvarakṣakaḥ ||” vasiṣṭhaḥ-‘śuddhavatībhiḥ kūṣmāṇḍībhiḥ pāvamānībhiśca pākādi prokṣayet ||’ atha devārcā tatra pratyupacāramādyantayorapo dadyādityukaṃ vṛttau smṛtyarthasāre ca || hemādrau brāhme“āsaneṣvāsanaṃ dadyādvāme vā dakṣiṇepi vā | pitṛkarmaṇi vāme ca daive dadyāttu dakṣiṇe|” pracetāḥ-“āsaneṣvāsanaṃ dadyānna tu pāṇau kadācana | dharmosītyatha mantreṇa gṛhṇīyuste tu tānkuśān ||” ‘dharmosi viṃśirājā pratiṣṭhitaḥ’ iti mantraḥ || gālavaḥ-darbhānādāya hastābhyāṃ gṛhītvā dakṣiṇe kare| daive kṣaṇaḥ kriyatāṃ tu niraṃguṣṭaṃ karaṃ tataḥ oṃ tatheti dvijā brūyuste prāpnotu bhavāniti | karttā brūyāttato vipraḥ prāptavānīti vai vadet ### [59.2-5.p1](https://indike.org/pramana/in.niti.dharma.nibandha.nirnaya.nirnayasindhu.59.2-5.p1) ” pṛthvīcandrodaye bṛhannāradīye-“yavairdarbhaiśca viśveṣāṃ devānāmidamāsanam | dattveti bhūyo dadyādvai daive kṣaṇa iti kṣaṇam ||” ‘tacca ṣaṣṭhyā caturthyā vā kāryam’ iti sa eva ‘tatorghyaṃ kalpayet’ iti manvādayaḥ || śaunakajayantābhyāmarghyarahitasya devārcanasyokteḥ ‘āśvalāyanānāṃ daive'rghyadānaṃ na iti vopadevastanna || pariśiṣṭaprayogapārijātavirodhāt vṛddhiśrāddhe tu daivepyarghyaṃ dadyāt || ‘devebhyopi pṛthagdadyādihārghyaṃ śruticodanāt’ iti śaunakokteḥ ## Linked texts (1) - [Śūdrakamalākara](https://indike.org/pramana/in.niti.dharma.jati.sudrakamalakara.36.1-16) — Kamalākarabhaṭṭa, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.59.2-5](https://indike.org/pramana/in.niti.dharma.nibandha.nirnaya.nirnayasindhu.59.2-5) · Pramāṇa