[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 59.3-6 # Nirnayasindhu 59.3-6 Nirṇayasindhu 59.3-6 - **Language:** Sanskrit ### [59.3-6](https://indike.org/pramana/in.niti.dharma.nibandha.nirnaya.nirnayasindhu.59.3-6) hemādrau śātātapaḥ- "dvau daive'tharvaṇau viprau prāṅmukhāvupaveśayet | pitrye tūdaṅmukhāṃstrīṃśca bahvṛcādhvaryusāmagān ||” dvau daive prāktrayaḥ pitrye udagekaikameva vā ||' yattu hemādrau hārītaḥ–‘dakṣiṇāgradarbhe prāṅmukhān bhojayet, udaṅmukhānityeke' iti tanmaitrāyaṇīyaviṣayam || ‘prāṅmukhān bhojayedudaṅmukhānityeke' iti tatpariśiṣṭāt || vikalpa iti hemādriḥ mādhavīye yamaḥ–“bhikṣuko brahmacārī vā bhojanārthamupasthitaḥ | upaviṣṭeṣvanuprāptaḥ kāmaṃ tamapibhojayet ||” kaurme–‘atithiryasya nāśnāti na tacchrāddhaṃ pracakṣate |' vipraniyamo mādhavīye–“pavitrapāṇayaḥ sarve te ca maunavratānvitāḥ | ucchiṣṭocchiṣṭasaṃsparśaṃ varjayantaḥ parasparam || ” tatrāsanāni pṛthvīcandrodaye yamaḥ–‘ āsanaṃ kutupaṃ dadyāditaradvā pavitrakam ||” hemādrau camatkārakhaṇḍe–“pitṝṇāṃ ghaṭitaṃ hemaṃ rājataṃ vāpi cāsanam | yena tāmramayaṃ dattamāsanaṃ pitṛkarmaṇi || sa vai divyāsanārūḍho na hi pracyavate divaḥ ||” hemādrau nāgarakhaṇḍe–‘ayaḥśaṃkumayaṃ pīṭhaṃ pradeyaṃ nopaveśane ||' kalikāyāṃ saṃgrahe–“kṣaumaṃ dukūlaṃ naipālamāvikaṃ dārujaṃ tathā | pārṇaṃ tārṇaṃ bṛsīṃ caiva viṣṭarādi ca vinyaset || agnidagdhānyāyasāni bhagnāni ca vivarjayet ||” hemādrau chāgaleyaḥ–“paścādbhāgādupakramya prācyāṃ paṃktiryathā bhavet | dakṣiṇāsaṃsthitā hyeṣā pitṝṇāṃ śrāddhakarmaṇi || ” pulastyaḥ–“śrīparṇī vāruṇī kṣīrī jambukāsrakadambakam saptamaṃ bākulaṃ pīṭhaṃ pitṝṇāṃ dattamakṣayam ||” saṃgrahe–“śamī ca kāśmarī śeluḥ kadambo vāruṇastathā | pañcāsanāni śastāni śrāddhe devārcane tathā ||” kārikā-‘dvau daive prāṅmukhau pitrye trīnviprānudagānanān ||’ paiṭhīnasiḥ-‘kutapaḥ śrāddhavelāyāṃ śrotriyo yadi dṛśyate ||’ āśvalāyanaḥ-‘nīvīvāsodaśāntena svarakṣārthaṃ prabandhayet ||’ vṛddhayājñavalkyastu-‘dakṣiṇe kaṭideśe tu tilaiḥ saha kuśatrayam ||’ yastu kātīyam-‘nīvī kāryā daśāguptirvāmakukṣau kuśaiḥ saha’ iti || tadvṛddhiśrāddhe ‘pitṝṇāṃ dakṣiṇe pārśve viparītā tu daivike’ iti smṛtyantarāt || vāme dakṣiṇe vetyācārādvyavastheti madanapārijāte ācāryaḥ-‘prāṇāyāmatrayaṃ kṛtvā gāyatrīsmaraṇaṃ tathā | śrāddhaṃ kartāsmīti vadedviprairvācyaṃ kuruṣva ca ||” brāhme–“tatastilān gṛhe tasmin vikireccāpradakṣiṇam | śraddhayā parayā yukto japedapahatā iti ||” smṛtyarthasāre-‘apahatā iti tilānvikīrya udīratāmityṛcā prokṣet ||’ parāśaraḥ-‘tadviṣṇoriti mantreṇa gāyatryā ca prayatnataḥ | prokṣayedannajātaṃ tu śūdradṛṣṭyādiśuddhaye ||” hemādrau brahmāṇḍe-“śrāddhabhūmau gayāṃ dhyātvā dhyātvā devaṃ gadādharam | vasvādīṃśca pitṝn dhyātvā tataḥ śrāddhaṃ pravartate || devatābhyaḥ pitṛbhyaśca mahāyogibhya eva ca | namaḥ svadhāyai svāhāyai nityameva namonamaḥ | ādimadhyāvasāneṣu trirāvṛttaṃ japedbudhaḥ | pitaraḥ kṣipramāyāṃti rākṣasāḥ pradravanti ca” - [Previous: 59.2-4](https://indike.org/pramana/in.niti.dharma.nibandha.nirnaya.nirnayasindhu.59.2-4) - [Next: 59.2-5](https://indike.org/pramana/in.niti.dharma.nibandha.nirnaya.nirnayasindhu.59.2-5) - [Up: 59](https://indike.org/pramana/in.niti.dharma.nibandha.nirnaya.nirnayasindhu.59) ## Linked texts (5) - [Vāyupurāṇa](https://indike.org/pramana/in.purana.vayu.2.12.17) — Vyāsa, Sanskrit - [Kūrmapurāṇa](https://indike.org/pramana/in.purana.kurma.2.22.31) — Vyāsa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p51) — Nīlakaṇṭha Dīkṣita 1625, Sanskrit - [Kālasāra](https://indike.org/pramana/in.astro.muhurta.kala.kalasara.18.p84) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p84) — Gadādhara (Pāraskara commentator), Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.59.3-6](https://indike.org/pramana/in.niti.dharma.nibandha.nirnaya.nirnayasindhu.59.3-6) · Pramāṇa