[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 59.3 # Nirnayasindhu 59.3 Nirṇayasindhu 59.3 - **Language:** Sanskrit ### [59.3](https://indike.org/pramana/in.niti.dharma.nibandha.nirnaya.nirnayasindhu.59.3) candrikāyāṃ kātyāyanaḥ--“dakṣiṇaṃ pātayejjānuṃ devānparicaransadā | pātayeditaraṃ jānuṃ pitṝn paricaran sadā ||” baudhāyanaḥ-pradakṣiṇaṃ tu devānāṃ pitṛṇāmapradakṣiṇam devānāmṛjavo darbhāḥ pitṝṇāṃ dviguṇāstathā ||” pṛthvīcandrodaye śaṅkhaḥ-“āvāhnārghyasaṃkalpe piṇḍadānānnadānayoḥ | piṇḍābhyañjanakāle tu tathaivāñjanakarmaṇi || akṣayyāsanayoḥ pādye gotraṃ nāma prakāśayet ||” tatraiva pariśiṣṭe--"kṣaṇe ca piṇḍadāne ca gandhadhūpākṣaye tathā | saṃkalpe cāsane dīpe añjanābhyañjane tathā || annārghyadānādyanteṣu gotraṃ nāma ca kīrtayet ||” kalikāyāṃ saṃgrahe--"āsanāvāhane pādye annadāne tathaiva ca | akṣayye piṇḍadāne ca ṣaṭsu nāmāni kīrtayet” mātsye, “sambandhaṃ prathamaṃ brūyādgotraṃ nāma tathaiva ca | paścādrūpaṃ vijānīyāt krama eṣa sanātanaḥ ||” tatraiva--“sakāreṇa tu vaktavyaṃ gotraṃ sarvatra dhīmatā | sakāraḥ kutapo jñeyastasmādyatnena taṃ vadet ||” yathā--kāśyapasagotreti || “parāśarasagotrasya vṛddhasya tu mahātmanaḥ | bhikṣoḥ pañcaśikhasyāhaṃ śiṣyaḥ paramadhārmikaḥ” iti mokṣadharmeṣu prayogācca || tena gotrasagotrayoḥ paryāyatvācchākhābhedādvyavastheti śūlapāṇiḥ etadyeṣāmnānāṃ teṣāmeva hemādrau bṛhatpracetāḥ--“gotraṃ svarāntaṃ sarvatra gotrasyākṣayyakarmaṇi | gotrastu tarpaṇe proktaṃ evaṃ dātā na muhyati || sarvatraiva pituḥ proktaḥ pitā tarpaṇakarmaṇi | piturakṣayyakāle tu pitre saṃkalpane tathā || śarmannarghyādike kāryaṃ śarmā tarpaṇakarmaṇi | śarmaṇo'kṣayyakāle tu pitṝṇāṃ dattamakṣayam - [Previous: 58.2-18.p1](https://indike.org/pramana/in.niti.dharma.nibandha.nirnaya.nirnayasindhu.58.2-18.p1) - [Next: 59.3-2](https://indike.org/pramana/in.niti.dharma.nibandha.nirnaya.nirnayasindhu.59.3-2) - [Up: 59](https://indike.org/pramana/in.niti.dharma.nibandha.nirnaya.nirnayasindhu.59) ## Linked texts (13) - [Varāhapurāṇa](https://indike.org/pramana/in.purana.varaha.179.119) — Vyāsa, Sanskrit - [Vāyupurāṇa](https://indike.org/pramana/in.purana.vayu.2.12.17) — Vyāsa, Sanskrit - [Matsyapurāṇa](https://indike.org/pramana/in.purana.matsya.16.28) — Vyāsa, Sanskrit - [Kūrmapurāṇa](https://indike.org/pramana/in.purana.kurma.2.22.31) — Vyāsa, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.14.p55) — Devaṇṇabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p45) — Nīlakaṇṭha Dīkṣita 1625, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.3.p7) — Govindānanda 1500, Sanskrit - [Śūdrakamalākara](https://indike.org/pramana/in.niti.dharma.jati.sudrakamalakara.36.1-16) — Kamalākarabhaṭṭa, Sanskrit - [Kālasāra](https://indike.org/pramana/in.astro.muhurta.kala.kalasara.18.p84) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p84) — Gadādhara (Pāraskara commentator), Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.464) — Divyasiṃha Mahāpātra 1640, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p48) — Divākarabhaṭṭa 1655, Sanskrit - [Śrāddhamañjarī (Bāpūbhaṭṭa Kelakāra)](https://indike.org/pramana/in.niti.dharma.sraddha.sraddhamanjari.4.1.3) — Bāpūbhaṭṭa Kelakāra 1785, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.59.3](https://indike.org/pramana/in.niti.dharma.nibandha.nirnaya.nirnayasindhu.59.3) · Pramāṇa