[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 6.16 # Nirnayasindhu 6.16 Nirṇayasindhu 6.16 - **Language:** Sanskrit ### [6.16](https://indike.org/pramana/in.niti.dharma.nibandha.nirnaya.nirnayasindhu.6.16) kausalyāmantrastu-“rāmasya jananī cāsi rāmarūpamidaṃ jagat | atastvāṃ pūjayiṣyāmi lokamātarnamo'stute || namo daśarathāyeti pūjayetpitaraṃ tataḥ | atra daśāvaraṇapañcāvaraṇādipūjā'nyatra jñeyā | aśokakusumairyuktamarghyaṃ dadyādvicakṣaṇaḥ || daśānanavadhārthāya dharmasaṃsthāpanāya ca | rākṣasānāṃ vināśāya daityānāṃ nidhanāya ca || paritrāṇāya sādhūnāṃ jāto rāmaḥ svayaṃ hariḥ | gṛhāṇārghyaṃ mayā dattaṃ bhrātṛbhiḥ sahitonagha || puṣpāṃjaliṃ punardattvā yāme yāme prapūjayet | divaivaṃ vidhivatkṛtvā rātrau jāgaraṇaṃ tataḥ || tataḥ prātaḥ samutthāya snānasaṃdhyādikāḥ kriyāḥ | samāpya vidhivadrāmaṃ pūjayedvidhivanmune || tato homaṃ prakurvīta mūlamantreṇa mantravit | pūrvoktapañcakuṇḍe vā sthaṇḍile vā samāhitaḥ || laukikāgnau vidhānena śatamaṣṭottaraṃ tataḥ | sājyena pāyaseneva smaran rāmamananyadhīḥ || tato bhaktyā susantoṣya ācāryaṃ pūjayenmune | tato rāmaṃ smaran dadyāddevaṃ mantramudīrayet || imāṃ svarṇamayīṃ rāmapratimāṃ samalaṃkṛtām | citravastrayugacchannāṃ rāmo'haṃ rāghavāya te || śrīrāmaprītaye dāsye tuṣṭo bhavatu rāghavaḥ | iti dattvā vidhānena dadyādvai dakṣiṇāṃ bhuvim | brahmahatyādipāpebhyo mucyate nātra saṃśayaḥ” - [Previous: 6.4-2](https://indike.org/pramana/in.niti.dharma.nibandha.nirnaya.nirnayasindhu.6.4-2) - [Next: 6.3-2](https://indike.org/pramana/in.niti.dharma.nibandha.nirnaya.nirnayasindhu.6.3-2) - [Up: 6](https://indike.org/pramana/in.niti.dharma.nibandha.nirnaya.nirnayasindhu.6) ## Linked texts (2) - [Kāmikāgama](https://indike.org/pramana/in.sampradaya.saiva.agama.siva.kamika.2.30.134) — Sanskrit - [Ānandarāmāyaṇa](https://indike.org/pramana/in.lit.ramayana.upajivya.ananda.118.125) — Vālmīki, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.6.16](https://indike.org/pramana/in.niti.dharma.nibandha.nirnaya.nirnayasindhu.6.16) · Pramāṇa