[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 6.3-2 # Nirnayasindhu 6.3-2 Nirṇayasindhu 6.3-2 - **Language:** Sanskrit ### [6.3-2](https://indike.org/pramana/in.niti.dharma.nibandha.nirnaya.nirnayasindhu.6.3-2) iti tatra malamāsaprāptau vrataniṣedhaḥ caitraśuklaikādaśīnirṇayaḥ caitraśuklaikādaśyāṃ dolotsava ukto brāhme-“ caitramāsasya śuklāyāmekādaśyāṃ tu vaiṣṇavaiḥ āṃdolanīyo deveśaḥ salakṣmīko mahotsavaiḥ ” iti caitraśukladvādaśīnirṇayaḥ caitraśukladvādaśyāṃ damanotsavaḥ | “dvādaśyāṃ caitramāsasya śuklāyāṃ damanotsavaḥ | baudhāyanādibhiḥ proktaḥ kartavyaḥ prativatsaram ” iti rāmārcanacandrikokteḥ | “ ūrje vrataṃ madhau dolā śrāvaṇe tantupūjanam | caitre ca damanāropamakurvāṇo vrajatyadhaḥ || ” iti tatraiva pādmavacanācca || śivabhaktādibhistu caturdaśyādau kāryam | “ tatra svātsvīyatithiṣu vahnyāderdamanārpaṇam ” iti tatraivokteḥ || jyotiḥprakāśepi-“ svasvadevapratiṣṭhāyāṃ mantrasaṃgrahaṇe tathā | pavitradamanārope grāhyā tattattithirbudhaiḥ || ” tithayastu-“ vahnirviriñco girijā gaṇeśaḥ phaṇī viśākho dinakṛnmaheśaḥ | durgāntako viśvahariḥ smaraśca śarvaḥ śaśī ceti tithīṣu pūjyāḥ ” ityuktāḥ damanāropaṇavidhiḥ athāgamoktadīkṣāvato damanāropaṇavidhiḥ| rāmārcanacandrikāyāṃ-“tatraikādaśyām | kriyālopavidhātārthaṃ yattvayā vihitaṃ prabho | na me vighno bhavedatra kuru nātha dayāṃ mayi || sarvathā sarvadā viṣṇo mama tvaṃ paramā gatiḥ | upavāsena tvāṃ deva toṣayāmi jagatpate || kāmakrodhādayopyete na me syurvrataghātakāḥ | adyaprabhṛti deveśa yāvadvaiśeṣikaṃ dinam || tāvadrakṣā tvayā kāryā sarvasyāsya jagatpate - [Previous: 6.16](https://indike.org/pramana/in.niti.dharma.nibandha.nirnaya.nirnayasindhu.6.16) - [Next: 6.3-3](https://indike.org/pramana/in.niti.dharma.nibandha.nirnaya.nirnayasindhu.6.3-3) - [Up: 6](https://indike.org/pramana/in.niti.dharma.nibandha.nirnaya.nirnayasindhu.6) --- Source: [https://indike.org/pramana/in.niti.dharma.nibandha.nirnaya.nirnayasindhu.6.3-2](https://indike.org/pramana/in.niti.dharma.nibandha.nirnaya.nirnayasindhu.6.3-2) · Pramāṇa