[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Decisions and rulings](https://indike.org/pramana/in.niti.dharma.nibandha.nirnaya) › [Nirnayasindhu](https://indike.org/pramana/in.niti.dharma.nibandha.nirnaya.nirnayasindhu) › 6.9 # Nirnayasindhu 6.9 Nirṇayasindhu 6.9 - **Language:** Sanskrit ### [6.9](https://indike.org/pramana/in.niti.dharma.nibandha.nirnaya.nirnayasindhu.6.9) atra kecit-' tadupāsakānāmevedaṃ nityaṃ na tvanyeṣām ' ityāhuḥ | anye tu-'akaraṇe doṣaśravaṇāt ( tasmātsarvātmanā sarvaiḥ kāryaṃ vai navamīvratam ) iti pūrvoktavacanācca janmāṣṭamīdivādadamapi sarveṣāṃ nityam | anyathā janmāṣṭamīdāvapi tadupāsakānāmeva nityatāṃ vaktuḥ ko vārayitā ' ityāhuḥ || atra viśeṣo hemādrāvagastyasaṃhitāyām-“ācārya caiva saṃpūjya vṛṇuyātprārthayenniśi || śrīrāmapratimādānaṃ kariṣyehaṃ dvijottama || bhaktyācāryo bhava prītaḥ śrīrāmosi tvameva ca śrīrāmapūjāvidhiḥ tathā-“ svagṛhe cottare deśe dānasyojjvala maṇḍapam || śaṃkhacakrahanūmadbhiḥ prāgdvāre samalaṃkṛtam || garutmacchāṅgibāṇaiśca dakṣiṇe samalaṃkṛtam || gadākhaḍgāṃgadaiścaiva paścime suvibhūṣitam || padmaruvastikanīlaiśca kauberyāṃ samalaṃkṛtam | madhye hastacatuṣkāḍhyavedikāyuktamāyatam || tataḥ saṅkalpayeddevaṃ rāmameva smaranmune| asyāṃ rāmanavamyāṃ ca rāmārādhanatatparaḥ upoṣyaṣṭasu yāmeṣu pūjayitvā yathāvidhi | imāṃ svarṇamayīṃ rāmapratimāṃ ca prayatnataḥ śrīrāmaprītaye dāsye rāmabhaktāya dhīmate | prīto rāmo haratvāśu pāpāni subahūni me anekajanmasaṃ siddhānyabhyastāni mahānti ca | tataḥ svarṇamayīṃ rāmapratimāṃ palamātrataḥ nirmitāṃ dvibhujāṃ divyāṃ vāmāṅkasthitajānakīm | vibhratīṃ dakṣiṇakare jñānamudrāṃ mahāmune vāmenāthaḥ kareṇārāddevīmāliṃgya saṃsthitām | siṃhāsane rājate'tra paladvayavinirmite - [Previous: 6.2-3](https://indike.org/pramana/in.niti.dharma.nibandha.nirnaya.nirnayasindhu.6.2-3) - [Next: 6.4-2](https://indike.org/pramana/in.niti.dharma.nibandha.nirnaya.nirnayasindhu.6.4-2) - [Up: 6](https://indike.org/pramana/in.niti.dharma.nibandha.nirnaya.nirnayasindhu.6) ## Linked texts (2) - [Ānandarāmāyaṇa](https://indike.org/pramana/in.lit.ramayana.upajivya.ananda.118.115) — Vālmīki, Sanskrit - [Tithyarka](https://indike.org/pramana/in.niti.dharma.kala.tithi.tithyarka.2.p1.40) — Divākarabhaṭṭa 1658, Sanskrit --- Source: [https://indike.org/pramana/in.niti.dharma.nibandha.nirnaya.nirnayasindhu.6.9](https://indike.org/pramana/in.niti.dharma.nibandha.nirnaya.nirnayasindhu.6.9) · Pramāṇa